«My pad upłyvam jaje pradavali». «Bieła-Koła» ŭvarvałasia ŭ skandał z kvateraj Dolinaj
Biełaruski vytvorca hazavanych napojaŭ, u tym liku «Bieła-Koły», vypuściŭ videarolik u TikTok, dzie abyhraŭ skandał na rynku nieruchomaści ŭ susiedniaj Rasii, nabraŭšy tysiačy łajkaŭ, zaŭvažyŭ «Telehraf».
Na videa supracoŭnica zavoda paziruje na fonie nadpisaŭ: «Na zavod pryjšła Łarysa Dolina i paprasiła pradać joj skryniu «Bieła-Koły»… A potym pradać naš akaŭnt… A potym kvateru».
Pijarščyki pradpryjemstva namiakajuć na skandał z ašukancami, u jaki akazałasia ŭciahnutaja zasłužanaja artystka RF Łarysa Dolina.
Jana pradała svaju kvateru ŭ Maskvie siamji, a potym zapatrabavała praz sud viarnuć nieruchomaść, bo, pavodle jaje słoŭ, dziejničała pad upłyvam ašukancaŭ. U vyniku sud staŭ na bok śpiavački, a siamja pakupnikoŭ zastałasia biez kvatery i hrošaj.
Priviet, odin tut, kvartirki nie najdietsia?
U RF užo kala 3000 čałaviek akazalisia ŭciahnutyja ŭ schiemu, kali kuplali kvatery ŭ pažyłych ludziej, a tyja potym patrabavali ich nazad, spasyłajučysia na ŭpłyŭ ašukancaŭ.
U kamientarach da žartaŭlivaha videarolika bolšaść padpisčykaŭ acanili humar.
«Prabačcie, ale viarnicie mnie hrošy za pradukcyju. Ja była pad upłyvam ašukancaŭ, kali kuplała kołu», — napisała adna ź ich. Na što atrymała adkaz: «My pad upłyvam jaje pradavali, viarni «Bieła-Kołu».
Byli i takija, chto acaniŭ aŭdyjarad — pieśniu Džaścina Bibiera «As Long as You Love Me». U treku hučać słovy «We can be homeless» («My možam być biazdomnymi»).
Niechta ž navat zapatrabavaŭ nie pradavać biełaruski napoj rasijskaj artystcy: «Patrabuju zabaranić Dolinaj kuplać «Bieła-Kołu»!!!»
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary
A vot siejčas niebolšaja dopłata, za čto ja čitaju, nie pomiešała by.