Urad Litvy razhladaje ŭviadzieńnie nadzvyčajnaha stanovišča z-za pahrozy mieteazondaŭ
Z-za praciahłaha napłyvu pavietranych šaroŭ z kantrabandaj, jakija parušajuć pracu Vilenskaha aeraporta, urad płanuje abviaścić nadzvyčajnaje stanovišča ŭ suviazi z pahrozaj hramadzianskaj biaśpiecy. Pra heta ŭ piatnicu paviedamiŭ daradca premjer-ministra Ihnas Alhirdas Dabravolskas, piša LRT.
«Urad rychtujecca abviaścić nadzvyčajnaje stanovišča z-za pahrozy hramadzianskaj biaśpiecy», — zajaviŭ jon.
Na pytańnie, ci moža takoje rašeńnie być pryniata ŭžo na pasiadžeńni Kabinieta Ministraŭ u piatnicu, daradca detalaŭ nie raskryvaŭ.
Z-za niebiaśpieki, jakuju stvarajuć pavietranyja šary z kantrabandaj, praca Vilniuskaha aeraporta ŭ apošnija miesiacy nieadnarazova prypyniałasia. Apošni raz pavietranaja prastora nad aeraportam była začyniena ŭviečary ŭ sieradu, a asabliva intensiŭnaja ataka takich šaroŭ adbyłasia ŭ minułyja vychadnyja.
U adkaz na hetyja incydenty ŭrad u kancy kastryčnika vyrašyŭ na miesiac začynić miažu ź Biełaruśsiu. Adnak miažu adkryli raniej terminu, kab vyrašać situacyju ź pieravozčykami, jakija zachraśli ŭ Biełarusi. Tym nie mienš režym nie dazvalaje im viarnucca ŭ Litvu, i pieravozčyki razhladajuć mahčymaść praviadzieńnia akcyi pratestu.
Sutyknuŭšysia, pa acenkach palitykaŭ, z hibrydnaj atakaj, Litva ŭžo nieadnarazova abmiarkoŭvała składanuju situacyju ŭ roznych farmatach — jak na pasiadžeńniach Nacyjanalnaj kamisii biaśpieki (NSK), tak i na mižnarodnym uzroŭni.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka4
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2626
Kamientary
A što cyrk, to praŭda
Nado jeŝie bolšie raznych razhovornych formatov. Eto užie kakaja to forma prokrastinacii litovskoho rukovodstva.
Treba zakidvać u adkaz plušavych mišak ź biełaruskaj simvolikaj.
Chutka budzie ŭ saviecie biaśpieki AAN tady: šarykava-plušavaja vajna NATA z Tajožnym sajuzam.