«Hości chacieli sieści za stałom z kanapami, ale heta niebiaśpiečna». Minskaje kafe prakamientavała skandał ź dziaŭčynkaj ź invalidnaściu
U Golden Coffee śćviardžajuć, što adbyłosia nieparazumieńnie. A ŭ absłuhoŭvańni haściam nibyta nichto nie admaŭlaŭ.
Golden Coffee u handlovym centry Dana Mall aficyjna prakamientavała skandał z 8‑hadovaj dziaŭčynkaj na invalidnym vazku. Maci 8‑hadovaj Kaci Vinahradavaj raskazała, što ich kampaniju ź jašče adnoj žančynaj na vazku admovilisia puskać va ŭstanovu.
U kafe svaja viersija padziej. Tam patłumačyli, što adbyłosia nieparazumieńnie.
«Hości z asablivymi patrebami zaŭsiody žadanyja ŭ Golden Coffee. Vyjšła nieparazumieńnie praz zatrymku dla pošuku kamfortnaha miesca dla ich znachodžańnia. Haściej z asablivymi patrebami my zvyčajna raźmiaščajem u zale ŭ nieprachodnych pazicyjach z metaj ich kamfortnaha znachodžańnia i biaśpieki.
Na videa vy možacie źviarnuć uvahu, što chostes nie admoviła ŭ absłuhoŭvańni i raźmiaščeńni haściam, a pajšła źviarnucca pa dapamohu da administratara.
Dalej na videa bačna, jak chostes viartajecca i paviedamlaje haściam pra toje, što svabodnych miescaŭ dla ich kamfortnaha raźmiaščeńnia ŭ zale niama, a administratar razhladaje varyjanty ich raźmiaščeńnia na terasie», — adznačyła pradstaŭnica kafe.
Pavodle jaje słoŭ, zatrymka ŭźnikła praz toje, što administratar šukaŭ stolik, jaki pasavaŭ by, i vyzvalaŭ miesca dla haściej. A pasadzić kampaniju la stolika z kanapami było b niebiaśpiečna dla samoj dziaŭčynki.
«Administrataru spatrebiłasia krychu bolš času, kab padabrać i vyzvalić kamfortny i biaśpiečny stoł, za jakim potym haściej i raźmiaścili. Hości chacieli raźmiaścicca za stałom z kanapami, što vyklučaje ich jakasnaje absłuhoŭvańnie. A taksama parušaje ich biaśpieku, bo hości i piersanał, jakija prachodziać mima, zakranali b ich vazki», — havorycca ŭ zajavie.
U Golden Coffee padkreślili, što nikoli nie admaŭlajuć u absłuhoŭvańni haściam.
«U Golden Coffee my nikoli nie abmiažoŭvajem i nie admaŭlajem u absłuhoŭvańni nivodnamu našamu hościu, a imkniomsia zabiaśpiečyć jakasny ŭvažlivy servis i kamfort. U našym restaranie paśpiachova prachodziać bankiety z udziełam ludziej na invalidnych kalaskach. My trapiatliva stavimsia da haściej z asablivymi patrebami i zaŭsiody dapamahajem im u raźmiaščeńni i absłuhoŭvańni», — adznačyła pradstaŭnica ŭstanovy.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1818
Kamientary