Tramp zajaviŭ, što Rasija pahadziłasia na jahony mirny płan, a Zialenski navat nie čytaŭ jaho
Prezident ZŠA zajaviŭ, što «krychu rasčaravany» prezidentam Ukrainy.
Prezident ZŠA Donald Tramp paviedamiŭ, što Rasija nibyta pahadziłasia na «mirny płan», u toj čas jak prezident Ukrainy Uładzimir Zialenski navat nie aznajomiŭsia ź im. Pra heta jon zajaviŭ padčas razmovy z presaj na mierapryjemstvie Centra vykanaŭčych mastactvaŭ imia Džona F. Kienedzi ŭ Vašynhtonie ŭviečary 7 śniežnia (tranślacyja Biełaha doma), piša «Ukrainskaja praŭda».
Adkazvajučy na pytańnie žurnalista pra toje, jaki budzie nastupny krok u mirnych pieramovach Ukrainy i Rasii, Tramp adznačyŭ, što «krychu rasčaravany» Zialenskim.
«My razmaŭlali z prezidentam Pucinym i z ukrainskimi lidarami, u tym liku z prezidentam Zialenskim. I mušu skazać, što ja krychu rasčaravany tym, što prezident Zialenski jašče nie pračytaŭ prapanovy. Heta było niekalki hadzin tamu. Jaho ludzi jaje ŭchvalili, ale jon — nie.
Rasija z hetym zhodnaja. Rasija, dumaju, chacieła b atrymać usiu krainu, kali tak padumać. Ale Rasija, jak ja miarkuju, zhodnaja z hetym (ź mirnym płanam). Ale ja nie ŭpeŭnieny, što Zialenski z hetym zhodny. Jahonaja kamanda heta padtrymlivaje, a jon hetaha nie pračytaŭ».
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Ty pamylajeśsia .