U Rasii pakazvajuć šou pra pjanych zorak — hladziać i biełarusy
Na rasijskim telekanale zapuścili ekstravahantnaje šou «Zorki pad kropielnicaj» — tam publičnych ludziej lečać ad ałkahalizmu. Skandalny prajekt z udziełam Vałačkovaj i Džyhurdy abmiarkoŭvajuć i biełarusy — niekatoryja nie pavieryli, što heta realici nie žart.
Novy prajekt atrymaŭsia taki skandalny, što ŭ Rasii ŭžo prapanujuć jaho zakryć. Miarkujučy pa internet-trendach, biełarusy taksama źviarnuli ŭvahu na šou.
Ideja šou prostaja — u adnym miescy źbirajuć niekalki viadomych rasijanaŭ, jakija pakutujuć na ałkaholnuju zaležnaść. Samymi viadomymi ź ich akazalisia Anastasija Vałačkova i Mikita Džyhurda, ale zaśviacilisia ŭ tym liku i aktrysa Jaŭhienija Osipava («Dajarka z Chacapietaŭki»), televiadučaja Maša Malinoŭskaja i repierka Hofmannita. A potym ich pavieźli ŭ reabilitacyjny centr, dzie spakušali fajnaj viečarynaj paralelna z pakazam antyałkaholnaha filma. Dalej dla ŭdzielnikaŭ zapłanavali abśledavańni i lačeńnie ŭ narkałahičnym centry.
Kiruje ŭsim Vasil Šuraŭ — rasijski narkołah i zaadno paśpiachovy jutub-błohier, jaki vypuskaje videa na temu zaležnaściaŭ.
Deputat Vital Miłonaŭ, nie mienš ekscentryčny za bolšaść udzielnikaŭ šou, zaklikaŭ jaho zabaranić — maŭlaŭ, ałkazaležnych treba padtrymlivać, a nie zarablać hrošy na ich biadzie. Ale naŭrad ci heta choć niejak paŭpłyvaje na papularnaść prajekta.
«Naša Niva» — bastyjon biełaruščyny
PADTRYMAĆCiapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja17
Kamientary