Elektrobusy pačnuć chadzić u nastupnym hodzie pryharadnymi maršrutami
Pieršym budzie vyprabavany maršrut u Smalavičy.
U 2026 hodzie na pryharadnyja maršruty ŭ Biełarusi vyjduć pieršyja elektrobusy, raskazali ŭ efiry telekanała STB.
Elektrobusy z zapasam chodu 100 km ciapier prachodziać vyprabavańni. Taki transpart budzie kursavać pamiž Minskam i haradami-spadarožnikami. Ale pieršymi jaho vyprabujuć rabotniki Astravieckaj AES.
Pavodle słoŭ Aleha Byćko, namieśnika hienieralnaha dyrektara ŭ inavacyjnym raźvićci chołdynhu «Biełkamunmaš», u nastupnym hodzie płanujuć madernizavać hety elektrobus, pašyryŭšy jaho aŭtanomny chod da 250 km, a taksama zabiaśpiečyŭšy mahčymaść ekspres-siłkavańnia. Jon padkreśliŭ, što kiraŭnikom dziaržavy pastaŭlenaja zadača zabiaśpiečyć mienavita pryharadnyja pieravozki elektratranspartam.
Nahadajem, na naradzie ŭ siaredzinie listapada Alaksandr Łukašenka adznačyŭ, što ŭ krainie raźvivajecca elektratranspart, pryčym nie tolki ŭ bujnych haradach. U tym liku piłotnyja prajekty dla pieravodu hramadskaha transpartu na elektryčny ŭkaraniajucca ŭ Škłovie, Žodzinie i Navapołacku. Na jahonuju dumku, na niekatorych kirunkach maršrutki možna zamianić aŭtobusami, pryčym nie tolki na ruchavikach unutranaha zharańnia, ale i elektrobusami.
Pradstaŭnik «Biełkamunmaša» anansavaŭ, što ŭ nastupnym hodzie taki elektrobus abaviazkova ŭžo budzie pieravozić pasažyraŭ pamiž Minskam i Smalavičami. A dalej, ź jahonych słoŭ, i astatnija harady-spadarožniki buduć abstaloŭvacca mienavita takim transpartam.
Novyja elektrobusy sprajektavanyja z ulikam umoŭ pryharada. Heta tyčycca siadzieńniaŭ padvyšanaj kamfortnaści, ramianioŭ biaśpieki i asablivych patrabavańniaŭ da tryvałaści kuzava. Pakolki raspracoŭka dla biełaruskaha pradpryjemstva — dośvied novy, z raźlikami i niuansami kanstruktaram dapamahali navukoŭcy.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary
Opiať BiełŽd ?