Praz kryzis, vyklikany pavietranymi šarami z kantrabandaj, u Litvie abvieščanaja nadzvyčajnaja situacyja
Praciahły kryzis, źviazany z pavietranymi bałonami z kantrabandaj ź Biełarusi, pryvioŭ da taho, što ŭrad Litvy abviaściŭ nadzvyčajnuju situacyju va ŭsioj krainie. Adnačasova kiraŭnikom dziaržaŭnych apieracyj va ŭmovach nadzvyčajnaj situacyi pryznačany ministr unutranych spraŭ Uładzisłaŭ Kandratovič, paviedamlaje LRT.
Jak havorycca ŭ prajekcie pastanovy, nadzvyčajnaja situacyja ŭvodzicca na ŭsioj terytoryi krainy praz zapuščanyja ź Biełarusi pavietranyja bałony, jakija transpartujuć kantrabandu i niasuć pahrozu nacyjanalnaj biaśpiecy Litvy. Ministerstva ŭnutranych spraŭ padkreślivaje, što ŭviadzieńnie nadzvyčajnaj situacyi nie stvoryć niazručnaściaŭ dla hramadstva, bo miery buduć dakładnymi, praparcyjanalnymi i nakiravanymi vyklučna na arhanizataraŭ i vykanaŭcaŭ niezakonnaj dziejnaści.
U natatcy ŭradu MUS tłumačyć, što padčas hibrydnych atak z boku Biełarusi bałony stvarajuć pahrozu cyvilnaj avijacyi Litvy i parušajuć pracu Vilenskaha aeraporta. Praz heta, adznačaje viedamstva, stanovicca niemahčymaj pieravozka pasažyraŭ i hruzaŭ pavietranym transpartam, uźnikajuć značnyja finansavyja straty i škoda reputacyi. Status nadzvyčajnaj situacyi, na dumku MUS, dazvolić viedamstvam bolš ščylna kaardynavać dziejańni i pry nieabchodnaści załučać vajskovyja padraździaleńni.
U paniadziełak u efiry radyjo LRT hienieralny kamisar palicyi Arturas Paŭłaŭskas zajaviŭ, što taki krok moža dapamahčy pravaachoŭnikam bolš efiektyŭna praduchilać i rasśledavać złačynstvy, źviazanyja z kantrabandaj u pavietry.
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary