Hety davoli bujny horad u Jeŭrasajuzie źjaŭlajecca adzinym, u jakim najbujniejšaje pramysłovaje pradpryjemstva stvoranaje i funkcyjanuje pad kiravańniem biełaruskich inviestaraŭ. Havorka pra druhi pa nasielnictvie horad Łatvii Daŭhaŭpiłs, piša thinktanks.pro.
Druhi hod zapar pieršaje miesca pavodle abjomaŭ vyručki ŭ Daŭhaŭpiłsie zajmaje vytvorca prycełaŭ i ich kampanientaŭ, kampanija ź biełaruskimi ŭładalnikami Pulsar Optics.
Zarehistravaŭ kampaniju ŭ 2020 hodzie i pačynaŭ budavać zavod były ŭładalnik chołdynhu Yukon Advanced Optics Worldwide, ciapier užo niabožčyk Alaksandr Alšeŭski. Ciapier Pulsar Optics vałodajuć jaho spadkajemcy — udava Alena Alšeŭskaja i dočki.
Zavod u Daŭhaŭpiłsie razhladaŭsia ŭ jakaści dadatkovaj vytvorčaj placoŭki na terytoryi Jeŭrasajuza da mahutnaściaŭ, jakija tady dziejničali ŭ biełaruskaj Lidzie, rasijskim Smalensku i ŭ Kitai. Ale ŭ 2022‑2023 hadach Alšeŭskija zakryli zavod u Smalensku, spynili vytvorčaść u Lidzie (na jaho praciahvajecca pošuk pakupnika), i Pulsar Optics staŭ hałoŭnym vytvorčym centram chołdynhu.
Užo pa vynikach 2021 hoda Kampanija Pulsar Optics uvajšła ŭ top-9 najbujniejšych biznesaŭ Daŭhaŭpiłsa, zarabiŭšy zvyš 21,5 miljonaŭ jeŭra. U 2022 hodzie abjom vypusku na zavodzie vyras u 2,4 razy, skłaŭšy 52,6 miljona jeŭra. Pulsar Optics pa vynikach taho hoda byŭ 5‑m pavodle pamieru biznesam u Daŭhaŭpiłsie.
U 2023 hodzie kampanija Alšeŭskich pryrasła jašče na 37% (da 72 miljonaŭ jeŭra) i ŭpieršyniu ŭznačaliła śpis najbujniejšych kampanij druhoha pavodle vieličyni horada Łatvii. Pa vynikach 2024 hoda Pulsar Optics ŭtrymała pieršaje miesca, dadaŭšy jašče 14% i dasiahnuŭšy abjomu vytvorčaści i prodažaŭ 82 miljony jeŭra.
Kampanija Alšeŭskich znoŭ apiaredziła inšyja bujnyja biznesy Daŭhaŭpiłsa — Latvijas Maiznieks (vytvorčaść chleba), Intergaz (imparcior zvadkavanaha hazu), Daugavpils reģionālā slimnīca (dziaržaŭnaja paliklinika, najbujniejšaja ŭ Łathalii) i Euro Energo Company (hazatrejdar).
Za minuły hod kolkaść supracoŭnikaŭ na zavodzie Pulsar Optics vyrasła z 259 da 334 čałaviek. Pavodle hetaha pakazčyku jon uvachodzić u dziasiatku najbujniejšych kamiercyjnych pracadaŭcaŭ Daŭhaŭpiłsa.
Prykmietna vyrasła i značeńnie Pulsar Optics dla ŭsioj łatvijskaj ekanomiki. U 2022 hodzie kampanija ŭpieršyniu była ŭklučanaja ŭ top-501 najbujniejšych kampanij hetaj krainy. Tady jana była 220-j. U 2023 hodzie ŭ hetym ža rejtynhu Pulsar Optics padniałasia na 144‑ie miesca, a ŭ minułym była ŭžo 109-j.
Darečy, akramia biznesu Alšeŭskich u top-501 pa vynikach 2024 hoda ŭvajšli jašče dźvie kampanii ź biełaruskimi karaniami. Heta pradaviec kampjutarnaj techniki ASBIS Baltics ( 276‑ie miesca) i farmdystrybjutar LV System Service (293-je).
Try kampanii ź biełaruskim kapitałam uvajšli ŭ top-20 najbujniejšych biznesaŭ Daŭhaŭpiłsa
«Kali b u Biełarusi ŭsio było dobra, to vašy b nie jechali siudy pa kaŭbasu». Repartaž z prymiežnych Babroŭnikaŭ
Biełaruski biznesmien adnaŭlaje histaryčny pałac Lubamirskich u Biełastoku. Tam budzie hatel i restaran
Maštaby, jakich vy nie mahli sabie ŭjavić — biełaruskija cyharety kurać u mnohich krainach Jeŭropy. Jak pracuje hety biznes
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary
a kamu jany hetyja pryceły pradajuć?