У Пружанах мужчыну затрымалі за галюцынагенныя грыбы, назбіраныя ў лесе
Як паведамілі ва УУС Брэсцкага аблвыканкама, 35‑гадовага мужчыну затрымалі супрацоўнікі наркакантролю Бярозаўскага РАУС падчас аператыўна-вышуковых мерапрыемстваў. Яго падазраюць у захоўванні забароненых рэчываў.
Следства ўстанавіла, што мужчына ў спецыялізаваных чатах прачытаў пра галюцынагенныя грыбы і даведаўся, як яны выглядаюць. З набытымі ведамі ён накіраваўся ў лес, дзе знайшоў грыбы, што адпавядалі апісанню. Пасля гэтага ён высушыў іх і захоўваў дома ў шкляным слоіку.
Падчас агляду жылля сілавікі знайшлі і канфіскавалі больш за 16 грамаў асабліва небяспечных псіхатропных рэчываў расліннага паходжання — псілацыну і псілацыбіну, якія ўтрымліваюцца ў грыбах.
Затрыманы патлумачыў, што збіраўся выкарыстоўваць іх для асабістых патрэб.
У дачыненні да мужчыны распачалі крымінальную справу. Паводле заканадаўства, яму можа пагражаць пакаранне ў выглядзе пазбаўлення волі на тэрмін да пяці гадоў.
У міліцыі нагадалі, што ў Беларусі не існуе легальных наркотыкаў: усе такія рэчывы забароненыя, а любыя дзеянні з імі цягнуць за сабой крымінальную адказнасць.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім2
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары
Толькі пазьней дапетрыла, што яны закладчыкаў шукалі. Так што глядзіце, цяпер у лесе ў кусьцікі прысядзіце - а з-за сьпіны вылезе мент.
Ну собрал ты грибы,принёс домой,высушил - так заныкай же их грамотно и падай себе на мороз при любых обысках.