Tenisistaŭ na turniry ŭ Madrydzie vykošvaje virus. Tam vystupaje i Aryna Sabalenka

U niadzielu tenisistku Koka Haŭf zvanitavała, kali jana hulała matč z Saronaj Kyrstaj. Haŭf uziała miedycynski tajm-aŭt, apisvaje sports.ru.

Haŭf dažyła da pieramohi i ŭžo ŭ intervju na korcie patłumačyła:

«Dumaju, u mianie toje samaje, što ŭsie tut u Madrydzie padchapili. Ščyra kažučy, ja prosta sprabavała zrabić tak, kab mianie nie zvanitavała prosta na kort — heta było hałoŭnaj zadačaj. Mianie zvanitavała paśla pieršaha seta, potym u druhim prosta pry ŭsich — stała trochi lepš. Ja adčuvała siabie vielmi stomlenaj, ale ŭ cełym hulać stomlenaj u mianie atrymlivajecca biez prablem, prosta tut treba było jašče sprabavać utrymać u sabie ŭsio toje, što ja jeła».

Jana pryznałasia, što nie chacieła zdymacca, bo heta byŭ by ŭžo druhi raz za paŭtara miesiaca paśla traŭmy ŭ Indyjan-Uełs — choć da hetaha jana zakančvała ŭsie matčy sa žniŭnia 2022-ha.

Akazałasia, što da treciaha seta ŭsio ž taki padziejničali tabletki, jakija Koka atrymała padčas miedycynskaha pierapynku. I jana vyjhrała treci set 6:1.

«Ranicaj usio było narmalna. Nočču łaviła dziŭnyja adčuvańni: tryvoha, niervy — ja pryniała miełatanin i zasnuła. Ja naohuł ź ciažkaściu razumieju, kali štości z arhanizmam adbyvajecca, zvyčajna nikomu ničoha nie kažu — choć tut dakładna treba było abmierkavać ź fizijaterapieŭtam, — raspaviała Haŭf prykładna praz hadzinu paśla. — U niejki momant matča adčuvała, što ja zaraz prosta ŭpadu. Pa chodzie niejkaha rozyhryšu zdavałasia, što mianie zvanituje prosta padčas hulni. Vidavočna, što chodzić niejki virus, dakładna nie ŭ mianie adnoj prablemy z žyvatom. Plus, zdajecca, u horadzie hulaje virus — adsiul usio i idzie, dumaju».

Dahetul Iha Śviontak nie zmahła dahulać matč z En Li: jaje da treciaj partyi, naadvarot, nakryła macniej. Pry 0:3 jana ŭžo apatyčna pajšła da sietki prosta pa chodzie hiejma na svajoj padačy.

«U mianie virus, hulać było naohuł žudasna, — raskazała Śviontek paźniej. — Hety virus chodzić tut pamiž hulcami, moža i niedzie jašče. U mianie zusim nie było enierhii, prosta na nuli. Simptomy — nie zusim toje, pra što vam varta viedać. Ja nie mahła navat pić, bo adčuvała siabie ŭžo zapoŭnienaj».

U žanočaj sietcy dakładna ad virusa paciarpieli topy (jašče čempijonka minułahodniaha Australian Open Medysan Kiz), u mužčynskaj vykošvaje pakul nie na takim uzroŭni — ale prykłady taksama jość.

Maryn Čylič jašče ŭ piatnicu nie vyjšaŭ hulać z Žaao Fansiekam druhi kruh, choć za dzień da hetaha zrabiŭ kambek u pieršym suprać Zizu Bierhsa.

Karenten Mute paśla subotniaj parazy ŭ dvuch setach ad Daniela Mierydy paprasiŭ prabačeńnia ŭ Instagram pierad zaŭziatarami i patłumačyŭ drennuju hulniu tym, što dva dni pakutuje ad virusa.

• 0
• 0
• 0
• 2
• 5
• 1
• 0
• 0