Jakija časy, takija i prezienty: u biełaruskich aptekach možna nabyć padarunkavyja siertyfikaty
Na cikavuju prapanovu ŭ aptecy źviarnuła ŭvahu błohierka Hanna Bond.
Hanna zajšła ŭ adnu z aptek «Biełfarmacyi» i pabačyła, što možna nabyć u padarunak siertyfikat naminałam 100 rubloŭ. Błohiercy ideja spadabałasia:
— Chutka ŭ mianie dzień naradžeńnia. I ŭ mianie ŭsie pytajucca: «Hanna, što tabie padaryć?». Siabry, kali vy chočacie mianie pavinšavać — kali łaska, darycie siertyfikat na leki.
Nabyć siertyfikat možna i praz anłajn-apteku «Biełfarmacyi»: jość varyjanty na 20, 50 i 100 rubloŭ. Na sajcie śćviardžajecca, što heta padarunak, ź jakim niemahčyma pamylicca: «Inviestuj u zdaroŭje i pryhažość! Zaraz vašy blizkija zmohuć sami vybrać žadany padarunak — patrebnyja leki, vitaminy, tanomietr abo inhalatar, krem dla tvaru abo butelečku dla niemaŭla i mnohaje inšaje».
Anałahičnyja prapanovy jość i ŭ inšych sietkach aptek. Naprykład, «Homielskaja farmacyja» śćviardžaje, što ich siertyfikaty — aryhinalny i jakasny padarunak. Na ich sajcie možna pabačyć siertyfikaty naminałam 10-30 rubloŭ. Ale kali siertyfikaty «Biełfarmacyi» dziejničajuć paŭhoda paśla pakupki, to siertyfikaty «Homielskaj farmacyi» — usiaho try miesiacy.
Na sajcie «Minskaj farmacyi» paznačana, što ŭ ich možna nabyć siertyfikaty naminałam ad 20 da 200 rubloŭ. Jany dziejničajuć šeść miesiacaŭ.
A sietka aptek «Płanieta zdaroŭja» hatovaja navat na zamovu roznyja dyzajny siertyfikataŭ rabić. Standartnyja siertyfikaty iduć naminałam 10, 20, 30, 40, 50 i 100 rubloŭ. Hetymi ž siertyfikatami taksama možna skarystacca ŭ aptekach «Doktar Čas» i optykach FOCUS. Dziejničajuć jany ažno try hady z momantu nabyćcia.
Ciapier čytajuć
Chto tyja 17‑hadovy błohier i jaho 37‑hadovaja niaviesta, jakija šykoŭna žyli na hrošy sa zboru na chvoraje dzicia?20
Kamientary