Italjancy ździŭlenyja, što minskija handlovyja centry nie stajać pustyja
Italjanski błohier pad mianuškaj tripotatoes3 naviedaŭ našu krainu i apublikavaŭ pra heta niekalki tyktokaŭ. Jaho hledačoŭ uraziła, što ŭ Biełarusi ŭ časy sankcyj pracujuć zamiežnyja brendy — zachodniejeŭrapiejcy šukajuć hetamu tłumačeńnie.
U roliku mužčyna prajšoŭsia pa handlovym centry Galleria Minsk i źviarnuŭ uvahu na nazvy kram: jość i Benneton, i Ecco, i Geox, pracuje hulniavy pakoj dla dziaciej, a na fudkorcie jość mahčymaść pakaštavać kuchniu roznych krain.
Rolik sabraŭ bolš za 150 tysiač prahladaŭ i kala 450 kamientaroŭ. Italjancy źviartajuć uvahu, što adkrytyja kramy — heta, viadoma, dobra, ale cikava było b daviedacca, jaki pry hetym uzrovień žyćcia samich biełarusaŭ i ci jość u ich mahčymaść nabyć tavary z tych kramaŭ. Inšyja karystalniki paraŭnoŭvajuć Galleria Minsk ź italjanskimi handlovymi centrami: maŭlaŭ, nie horš čym u Rymie, a to i lepš, bo čysta.
Adzin z samych załajkanych kamientaroŭ u pierakładzie ź italjanskaj hučyć tak:
«To-bok ničoha nie źmianiłasia. Praŭda ŭ tym, što sapraŭdnyja sankcyi prymianili da nas».
I heta nie adziny italjaniec z tych, chto adpisaŭsia pad rolikam, chto ličyć jeŭrapiejcaŭ sapraŭdnymi «achviarami» sankcyj. Inšy karystalnik patłumačyŭ tamu kamientataru, što sankcyi nasamreč nie dazvalajuć błakavać uvieś handal z Zachadam, i zaŭždy jość sposaby abyści sankcyi.
Adzin z kamientataraŭ prapanuje tłumačeńnie taho, čamu ž kramy pracujuć:
«Mahčyma, tamu što brendy, pra jakija idzie havorka, nie pradajuć padsankcyjnyja tavary, adzieńnie nie maje ničoha ahulnaha z vajnoj».
Jak vyhladaje z kamientaroŭ, nie ŭsie italjancy ŭvohule zdolnyja adroźnić Biełaruś ad Rasii, dy i pra vajnu na poŭdni Jeŭropy viedajuć niašmat. Adzin z karystalnikaŭ navat zadaŭsia pytańniem — maŭlaŭ, navošta brendam było sychodzić, kali vajna chutka skončyłasia i jość adpaviednyja pakty?
A voś jašče adno tłumačeńnie ad italjancaŭ, a zaadno i zaściaroha:
«Z ulikam taho kantrafaktnaha materyjała ja b nie byŭ taki davierlivy, kab nabyvać u Biełarusi rečy ad Geox i inšych brendaŭ».
«Naša Niva» — bastyjon biełaruščyny
PADTRYMAĆCiapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami15
Kamientary
A ċjo proizvodstvo v Biełarusi?