Zavirucha, ślizkija darohi, tralejbusy stajać, mietro pierapoŭnienaje. Minsk zmahajecca z «Uli»
Cykłon Uli prajšoŭsia pa krainie i nakryŭ stalicu mocnym śnieham. Što adbyvajecca ŭ horadzie ciapier?
Z samaj ranicy nazirajucca pieraboi ŭ pracy hramadskaha transpartu. Pakazvaje 7‑balnyja zatory. Aŭtobusy i tralejbusy nie paŭsiul mohuć prajechać.
U mietro skaracili intervały ruchu. Z 9:00 da 16:00 intervał ruchu ciahnikoŭ na Maskoŭskaj i Aŭtazavodskaj linijach składzie 3,5 chviliny, a na Zialonałužskaj — 5 chvilin.
Siońnia lepš ustrymacca ad usich nieabaviazkovych pajezdak, asabliva za horad. Ratavalnyja słužby i tak buduć pracavać na maksimumie nahruzki.
Z 16:00 da 18:30 intervał ruchu ciahnikoŭ na Maskoŭskaj linii składzie 2 chviliny, a na Aŭtazavodskaj — 2,5 chviliny.
Z 05:30 da 06:10 byŭ prypynieny ruch tramvajaŭ maršrutaŭ № 1, 6, 11a na praśpiekcie ŭ rajonie vulicy Čyrvonaj u napramku DS «Zialony Łuh». Ruch byŭ arhanizavany da DS «Voziera».
U Hatavie ranicaj aŭtobusy stali kołam, pasažyram daviałosia iści pieški.
Pasažyry vychodziać z aŭtobusaŭ i šturchajuć ich, kab chutčej prasunucca praz zamiecienyja darohi. Na videa trapiła taksama, jak tralejbus ź pieramiennym pośpiecham šturchajuć milicyjanty.
Vyklikać taksi taksama składana. U servisie «Jandieks Go» rankam pisali, što «niama svabodnych mašyn».
«Adzin raz praskočyła — košt byŭ 40—50 rubloŭ, — raskazaŭ «Anłajnieru» minčuk, jaki byŭ 23‑ci ŭ čarzie na mašynu. — Zvyčajna — ŭdvaja mienš». Mašyny byli niedastupnyja ni ŭ adnym z taryfaŭ.
Kamunalniki pracujuć u kruhłusutkavym režymie, kab paśpiavać rasčyščać horad ad śniehu. U dvarach arhanizavali dadatkovyja punkty z šuflami, kab minčuki mahli dapamahčy. Unutranyja vojski vyviaduć na ŭborku śniehu ŭsiudychody, BTRy, «Vołat» i «Tyhr».
Uvieś prybrany śnieh sa stalicy zvoziać na palihon u Maskoŭskim rajonie. Kožnyja 2‑3 chviliny novy MAZ razhružajecca tam. Z pačatku cykłonu Uli tam užo bolš za 1400 kub. m śniehu.
Kamientary