Arhiencina daterminova vyjšła ŭ płej-of čempijanatu śvietu. Ź piaci jaje hałoŭ piać zabiŭ Miesi
Zbornaja Arhienciny daterminova vyjšła ŭ płej-of čempijanatu śvietu pa futbole 2026 hoda, pieramohšy kamandu Aŭstryi ź likam 2:0 u matčy druhoha tura hrupy J.
Užo na pačatku sustrečy arhiencincy atrymali prava na pienalci paśla parušeńnia praviłaŭ suprać Łaŭtara Marcinesa. Adnak Lijanel Miesi nie zmoh adkryć lik, prabiŭšy mima varot.
Tym nie mienš, pierad pierapynkam kapitan Arhienciny vypraviŭ situacyju i zabiŭ pieršy miač paśla pieradačy ź levaha fłanha. Hety hoł staŭ dla 38‑hadovaha forvarda 17‑m na čempijanatach śvietu, što dazvoliła jamu stać najlepšym bambardziram va ŭsioj amal stohadovaj historyi turniru.
Užo ŭ dadany čas druhoha tajma Miesi aformiŭ dubl i jašče bolš palepšyŭ svoj rekord, davioŭšy kolkaść hałoŭ na mundyjalach da 18.
U pieršym tury Arhiencina razhramiła Ałžyr ź likam 3:0 (tam, darečy, taksama ŭsie hały zabiŭ Miesi), a Aŭstryja pieramahła Iardaniju — 3:1. Paśla dvuch matčaŭ arhiencincy majuć šeść ačkoŭ i ŭžo harantavali sabie miesca ŭ płej-of. Aŭstryja z tryma ačkami zajmaje druhoje miesca ŭ hrupie.
Čempijanat śvietu 2026 hoda prachodzić u ZŠA, Mieksicy i Kanadzie. Upieršyniu ŭ historyi turniru ŭ im udzielničajuć 48 nacyjanalnych zbornych. Z kožnaj hrupy ŭ stadyju płej-of vychodziać dźvie najlepšyja kamandy, a taksama vosiem najlepšych zbornych z tych, jakija zaniali trecija miescy.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam24
Kamientary