Takija ličby 22 červienia abnarodavała nacyjanalnaja statystyčnaja słužba paśla padviadzieńnia vynikaŭ pierapisu 2025 hoda, piša Newsgeorgia.
Usiaho nasielnictva Hruzii składaje 3 929 581 čałaviek. Častka zamiežnych hramadzian składaje 3,4 % (133 857 čałaviek). Najbolšaja nacyjanalnaja hrupa — hramadzianie Rasii (37 715 čałaviek), na druhim miescy hramadzianie Indyi (23 925), na trecim — hramadzianie Ukrainy (11 542).
Hramadzianie Azierbajdžana naličvajuć 8309 čałaviek, Armienii — 5381, hramadzianie Turcyi — 5262.
Hramadzian Biełarusi naličyli 4 473 čałavieki. Heta siomaje miesca siarod zamiežnikaŭ. Zatym iduć hramadzianie Irana — 4322, Izraila — 3244, Iardanii — 3037.
Vydańnie źviarnuła ŭvahu na toje, što pavodle papiarednich vynikaŭ inšaziemcaŭ było bolš — 257 000 čałaviek.
U žniŭni 2025 hoda, pavodle infarmacyi pravaabaroncaŭ, u Hruzii pražyvali kala 12 tysiač biełarusaŭ, jakija pakinuli svaju krainu praz pahrozu represij. Ich kolkaść pačała pastupova źmianšacca paśla ŭviadzieńnia bolš žorstkich mihracyjnych pravił.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary
Heta z dazvołam na žycharstva