Simańjan zasnavała premiju imia svajho pamierłaha muža Tyhrana Kieasajana. Kamu budzie davać?
Viadomaja rasijskaja prapahandystka, hałoŭnaja redaktarka RT Marharyta Simańjan abviaściła pra zasnavańnie premii imia svajho pamierłaha muža, prapahandysta Tyhrana Kieasajana.
Pieršuju premiju jana prysudziła arenburhskim vychavacielkam, jakija abaranili dziaciej ad mužčyny z nažom. «Premiju ja asabista budu vydavać voś takim ludziam, jak hetyja vychavacielki. Heta značyć prosta dobrym, pravilnym ludziam», — napisała prapahandystka.
Nijakaha žury nie budzie, premiju Simańjan «dobrym, pravilnym ludziam» budzie davać sama. Jana kaža, što jaje muž nie chacieŭ by nijakaha žury.
Suma premii składzie 1 młn rasijskich rubloŭ (13 tysiač dalaraŭ).
Simańjan budzie vydavać jaje «pa miery źjaŭleńnia takich historyj», ale nie radziej, čym 10 razoŭ na hod.
Kamientary