«Taksi — doraha, karšerynh byŭ tańniej». Minčanka vypiła dva litry vina i sieła za rul
Inśpiektary DAI spynili aŭtamabil karšerynhu na staličnym Partyzanskim praśpiekcie.

Uvahu supracoŭnikaŭ DPS pryciahnuła toje, jak niaŭpeŭniena jechała žančyna-kiroŭca. Dziaŭčyna patłumačyła svaju manieru kiravańnia tym, što ŭpieršyniu sieła za rul aŭtamabila z aŭtamatyčnaj karobkaj pieradač. Adnak vyśvietliłasia, što pryčyna była inšaja.
Amal adrazu stała vidavočna, što minčanka znachodziłasia ŭ stanie ałkaholnaha apjanieńnia. Miedycynskaje aśviedčańnie heta paćvierdziła: 2 pramile ałkaholu ŭ vydychanym pavietry.
Paźniej dziaŭčyna pryznałasia, što za viečar vypiła dva litry vina. Na videa jana taksama raspaviała, što nie skarystałasia taksi, bo košt pajezdki byŭ zanadta vysoki, a karšerynh zdavaŭsia tańniejšym.
Ciapier kiroŭcu čakaje štraf u pamiery 200 bazavych vieličyń (9000 rubloŭ) i pazbaŭleńnie prava kiravańnia transpartnymi srodkami na 5 hadoŭ.
Kamientary