«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
Jurydyčnyja asoby BYSOL PL FOUNDATION u Polščy i BYSOL USA International Foundation u ZŠA, jakija raniej stvaralisia dla stratehičnaha raźvićcia i ŭstojlivaści Fondu salidarnaści «Bajsoł», ciapier nie kantralujucca kamandaj fondu. Jany nie byli pieradadzieny kamandzie i zastajucca pad kantrolem byłoha zasnavalnika Alaksieja Stryžaka, paviedamlajecca na sajcie «Bajsoła».
U «Bajsole» paviedamlajuć, što paśla ŭnutranaha kryzisu, jaki skončyŭsia sychodam z arhanizacyi Andreja Stryžaka, było pryniata pryncypovaje rašeńnie: jon musiŭ pieradać zasnavalnickija paŭnamoctvy va ŭsich troch jurydyčnych asobach BYSOL — u Litvie, Polščy i ZŠA. Pra heta było paviedamlena kamandzie, publična ahučana i zamacavana ŭ rašeńniach dyrektaratu i zasnavalnika fondu.
Adnak ža, jak śćviardžajecca, damoŭlenaści byli vykananyja tolki ŭ dačynieńni da litoŭskaj arhanizacyi, a kiravańnie polskaj i amierykanskaj zastalisia ŭ rukach Stryžaka. Svaju pazicyju jon patłumačyŭ žadańniem pačać ułasnuju dziejnaść i pierajmienavać hetyja struktury, zajaviŭšy, što źmianiŭ svajo rašeńnie i nie maje srodkaŭ dla rehistracyi novych jurydyčnych asob.
Kamanda Bysol, pa jaje słovach, prapanavała kampiensavać Stryžaku vydatki na stvareńnie novaj arhanizacyi ŭ Polščy, ale jon admoviŭsia i paviedamiŭ, što ŭžo pačaŭ praces pierajmienavańnia isnaj polskaj struktury.
Hetuju admovu ŭ Bysol ličać hrubym parušeńniem raniejšych damoŭlenaściaŭ. Maŭlaŭ, hetyja jurydyčnyja asoby nie źjaŭlajucca pryvatnaj ułasnaściu Stryžaka. Jany stvaralisia i raźvivalisia sumiesnymi namahańniami kamandy, partnioraŭ i donaraŭ, a ŭsie finansavyja vydatki pakryvalisia praź litoŭskuju jurydyčnuju asobu Bysol.
Andrej Stryžak pakinuŭ «Bajsoł» u vieraśni 2025 hoda paśla skandału ź dzikpikami.
40‑hadovy Andrej Stryžak zajmaŭsia pravaabarončaj dziejnaściu z 2007 hoda. Siarod jahonych zasłuh — arhanizacyja humanitarnaj dapamohi paciarpiełym ad vajny na Danbasie. Jon byŭ arhanizataram kampanii ByCovid19 i inicyjatyvy BY_help, a paśla suzasnavalnikam Fondu salidarnaści BYSOL, dapamoha jakich dajšła da tysiač ludziej.
«Žarty na ŭzroŭni siaredniaj škoły». Stryžak raskazaŭ pra novy prajekt — tłumačyć, što nijakaha seksu ŭ naźvie niama
Stryžak zapuskaje novuju dabračynnuju inicyjatyvu
«Bajsoł» nie fiksuje istotnaha źmianšeńnia danataŭ i donaraŭ
U «Bajsoł» viarnułasia dyrektarka, jakaja abviaščała pra zvalnieńnie z-za dykpikaŭ Stryžaka
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary