18 studzienia padčas rejdu inśpiektary Babrujskaj mižrajonnaj inśpiekcyi achovy žyviolnaha i raślinnaha śvietu spynili aŭtamabil z tryma mužčynami kala vioski Zapolle. U bahažniku znachodziŭsia palimierny miašok z rybaj: 501 ščupak i 467 krasnapiorak, ahulnaj masaj 39,7 kiłahrama, paviedamlaje vydańnie Komkur.
Pravierka pakazała, što dvoje z zatrymanych vykarystoŭvali zabaronieny padsačok (kali dyjamietr kruha bolšy za 0,6 m abo jačejki mienšyja za 10 mm), i niezakonna łavili rybu na mielijaracyjnym kanale, złučanym z rakoj Olsa. Ale navat pry zakonnym ryštunku dazvalajecca brać tolki pa 5 kh na čałavieka. Straty pryrodzie naličyli na 43 290 rubloŭ.
Suprać fihurantaŭ raspačali kryminalnaja sprava pa č. 4 art. 281 Kryminalnaha kodeksu Respubliki Biełaruś (niezakonnaja zdabyča ryby ŭ asabliva bujnym pamiery). Sankcyi praduhledžvajuć abmiežavańnie svabody da 5 hadoŭ abo pazbaŭleńnie svabody da 6 hadoŭ sa štrafam.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary