«Dałučeńnie 1 studzienia 2027 hoda vyklučana. Heta niemahčyma», — skazaŭ kancler Hiermanii.
Kancler Frydrych Mierc zajaviŭ, što ličyć niemahčymym jak maha chutčejšaje ŭstupleńnie Ukrainy ŭ Jeŭrapiejski Sajuz, piša «Jeŭrapiejskaja praŭda».
Kancler paśla kansultacyj pamiž lidarami SDPH i CHDS/CHSS u kancylaryi ŭ Bierlinie prakamientavaŭ datu, da jakoj, jak nastojvajuć ukrainskija vysokapasadoŭcy, Ukraina pavinna stać členam ES, nazvaŭšy heta «niemahčymym».
«Dałučeńnie 1 studzienia 2027 hoda vyklučana. Heta niemahčyma», — skazaŭ Mierc.
Jon patłumačyŭ, što kožnaja kraina, jakaja žadaje ŭstupić u ES, pavinna adpaviadać kapienhahienskim kryteryjam. A hety praces, jak praviła, zajmaje niekalki hadoŭ. U toj ža čas Mierc padkreśliŭ, što dla Ukrainy važna mieć pierśpiektyvu, jakaja prakładzie šlach da ŭstupleńnia, adnak heta doŭhaterminovy praces.
«My možam pastupova nabližać Ukrainu da Jeŭrapiejskaha sajuza. Heta zaŭsiody mahčyma, ale nastolki chutkaje dałučeńnie prosta niemetazhodnaje», — rastłumačyŭ kancler.
Ministr zamiežnych spraŭ Niamieččyny Jochan Vadeful nazvaŭ pierśpiektyvu Ukrainy ŭ ES vyrašalnym unioskam u zabieśpiačeńnie budučaha mirnaha ŭrehulavańnia i ŭ architekturu biaśpieki ŭ Jeŭropie.
Pry hetym Vadeful vyrazna daŭ zrazumieć, što dla Kijeva nie moža być nijakich pierśpiektyŭ skaračeńniaŭ u pracesie dałučeńnia.
Uładzimir Zialenski 25 studzienia zajaviŭ, što ŭ dakumiencie ab harantyjach biaśpieki ź jeŭrapiejskimi sajuźnikami pavinna być zamacavanaja data dałučeńnia Ukrainy da ES — 2027 hod.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Što? Ukrainy ŭžo niama? Jakaja trahiedyja. Vielmi škada. Ruchajemsia dalej.