Dźmitryj Baskaŭ z partniorami aktyŭna zabudoŭvajuć Minsk i vakolicy
Kampanii sienatara Dźmitryja Baskava i jaho dziełavych partnioraŭ aktyŭna zajmajucca žyllovym budaŭnictvam u Minsku i jaho vakolicach. U najbližejšy čas jany płanujuć zaviaršyć niekalki bujnych prajektaŭ, a ŭ nastupnyja hady — uźvieści zaharadny pasiołak niedaloka ad stalicy, daviedałasia hrupa rasśledavalnikaŭ «Biuro».
U listapadzie kampanija «BMU-87» pavinna skončyć budaŭnictva žyłoha kompleksu «Hrand Krystał» u mikrarajonie Lebiadziny. Heta dom z troch siekcyj roznaj pavierchavaści. Baskavu naležyć kantrolny pakiet — 55 % dolaŭ, astatniaje padzielena pamiž jaho partniorami Hienadziem Naradoŭskim i Dzianisam Staškievičam.
Akramia Lebiadzinaha, hetyja biznesmieny pracujuć i ŭ inšym rajonie Minska — Hrušaŭcy. Kampanija «HrandChauzInžynirynh» zaviaršaje tam budaŭnictva žyłoha kompleksu «Kvartał na Hrušaŭcy». Ziamielny ŭčastak pad šeść damoŭ i dva parkinhi byŭ nabyty jašče ŭ 2019 hodzie na aŭkcyjonie. Bolšaść damoŭ užo pabudavana, zdaču ŭ ekspłuatacyju płanujuć u najbližejšy čas. U hetaj kampanii Baskaŭ maje mienšuju dolu — 13 %, a asnoŭnymi ŭładalnikami źjaŭlajucca Naradoŭski i Staškievič.
Jašče adzin kompleks u Hrušaŭcy — «Hrand Avieniu» — uzvodzić kampanija «Datč Star». Raniej Baskaŭ taksama mieŭ tam dolu, ale ciapier firma całkam naležyć jaho partnioram. Čatyry damy płanujuć zdać u hetym hodzie.
Akramia haradskich prajektaŭ, biznes-hrupa buduje zaharadny pasiołak «Hrand Viładž» kala vioski Tarasava pad Minskam. Prajekt uklučaje 13 damoŭ, a realizuje jaho kampanija «Retorsija Trejd», dzie Baskaŭ vałodaje pałovaj dolaŭ. Zaviaršeńnie budaŭnictva zapłanavana na 2027 hod.
Ekśpierty adznačajuć, što ŭ apošnija hady ziamlu pad žyllo ŭ Minsku amal nie vystaŭlajuć na adkrytyja aŭkcyjony. Bolšaść učastkaŭ pieradajecca zabudoŭščykam pad kankretnyja inviestycyjnyja prajekty, što śviedčyć pra nieabchodnaść uzhadnieńnia takich rašeńniaŭ na samym vysokim uzroŭni. Na dumku śpiecyjalistaŭ, u budučyni na rynku zastanucca tolki tyja kampanii, jakija majuć dostup da vyšejšaha kiraŭnictva krainy.
Dźmitryj Baskoŭ maje takija suviazi: jon šmat hadoŭ byŭ źviazany z chakiejem, hulaŭ u kamandzie Alaksandra Łukašenki, treniravaŭ jaho syna Mikałaja, uznačalvaŭ Fiederacyju chakieja Biełarusi, a z 2021 hoda źjaŭlajecca členam Savieta Respubliki, kudy jaho pryznačyŭ Łukašenka.
Partniory Baskava taksama ŭdzielničali ŭ budaŭnictvie značnych dziaržaŭnych abjektaŭ — ad štab-kvatery Nacyjanalnaha alimpijskaha kamiteta da pramysłovych pradpryjemstvaŭ i spartyŭnych zbudavańniaŭ.
Dźmitryj Baskaŭ staŭ suŭładalnikam pivavarnaj kampanii
Dźmitryj Baskaŭ zachodzić na rynak rytejłu
Łukašenka abiacaje kitajcam pabudavać druhuju AES dla ich ciaplic, a zarablać na kvietkach i harodninie buduć Baskaŭ ź Ciacierynym
Ejsmanty na «Majbachu», Baskaŭ na «Bentli». Chakiejny siezon u Minsku zakryli z šykam-blaskam
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści43
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary