Maskvička pieradała ŭ Viciebsk čornuju ikru, ale da horada jana tak i nie dajechała
Maskvička vyrašyła pieradać pasyłku synu i jaho siamji ŭ Viciebsk ciahnikom. Na Biełaruskam vakzale jana šukała pasažyra, jaki pahadziŭsia b dastavić sumku ŭ hety horad.
Na dapamohu adhuknuŭsia 39‑hadovy žychar Homiela, raniej sudzimy 12 razoŭ za kradziažy, paviedamlaje belkagomel.by
Žančyna pieradała jamu pieradaču koštam kala 10 tysiač biełaruskich rubloŭ — heta byŭ jaje dvuchmiesiačny dachod. Za pasłuhu jana adździačyła mužčynu hrašyma i harełkaj.
Adnak ciahnik, na jaki sieŭ mužčyna, uvohule nie zajazdžaŭ u Viciebsk. Dajechaŭšy da Homiela, mužčyna nakiravaŭsia ŭ hości da znajomaj, dzie jany źjeli častku dalikatesaŭ z čužoj sumki: piečań traski, čyrvonuju i čornuju ikru, čyrvonuju rybu.
Kali pieradača tak i nie prybyła ŭ Viciebsk, niaviestka źviarnułasia ŭ milicyju. Asobu padazravanaha vyjavili pa prajaznych dakumientach. Upryhožańni dla niaviestki, knihi i adzieńnie dla ŭsich členaŭ siamji ŭdałosia viarnuć, a voś pradukty — nie.
Mužčynu buduć sudzić 13‑y raz — za kradziež, učynieny paŭtorna. Ciapier jon znachodzicca ŭ ŁPP z-za złoŭžyvańnia ałkaholem.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Kamientary