Na Vilejskim vadaschoviščy dva rybaki atrucilisia ŭ namiocie čadnym hazam
U Minskaj vobłaści ŭ minułyja vychadnyja adbylisia try trahičnyja vypadki na rybałcy, u vyniku jakich zahinuli troje mužčyn, paviedamiła pres-słužba Śledčaha kamiteta.
Uviečary 15 lutaha na Vilejskim vadaschoviščy ŭ namiocie, pastaŭlenym prosta na lodzie kala vioski Čyževičy Vilejskaha rajona, znajšli cieły dvuch rybakoŭ — 53‑hadovaha žychara Minska i 51‑hadovaha žychara Asipovičaŭ. Mužčyny nie padavali prykmiet žyćcia.
Pavodle papiaredniaj viersii, pryčynaj śmierci mahło stać atručvańnie čadnym hazam. Miarkujecca, što ŭ namiocie vykarystoŭvałasia abahravalnaje prystasavańnie, i pry niedastatkovaj vientylacyi tam moh nazapasicca niebiaśpiečny haz.
Za dzień da taho, 14 lutaha kala 16‑j hadziny, 51‑hadovy žychar ahraharadka Novy Dvor Minskaha rajona razam ź siabram znachodziŭsia na rybałcy. Pierachodziačy pa lodzie Śvisłač, jon pravaliŭsia ŭ vadu. Mužčyna, jaki byŭ pobač, sprabavaŭ dapamahčy i dastać siabra z pałonki, ale zrabić hetaha samastojna nie zmoh i vyklikaŭ ratavalnikaŭ.
Supracoŭniki MNS apieratyŭna prybyli na miesca i dastali mužčynu z vady, adnak jon užo nie padavaŭ prykmiet žyćcia. Druhi rybak padčas sproby dapamohi atrymaŭ abmaražeńni palcaŭ ruk i noh. Jaho dastavili ŭ balnicu, dzie akazvajuć nieabchodnuju dapamohu.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia7
Kamientary