Złučanyja Štaty nibyta vielmi blizkija da rašeńnia pra maštabnuju vajennuju apieracyju suprać Irana, i jana moža pačacca ŭžo ŭ nabližejšy čas. Pra heta sa spasyłkaj na krynicy paviedamlaje partał Axios, piša «Jeŭrapiejskaja praŭda».
Pavodle słoŭ krynic vydańnia, u administracyi Donalda Trampa blizkija da rašeńnia pra maštabnuju ŭzbrojenuju apieracyju suprać Irana, jakaja budzie bližejšaj da poŭnamaštabnaj vajny, čym małankavaja i «kropkavaja» apieracyja ŭ Vieniesuele.
Vierahodna, heta budzie sumiesnaja ź Izrailem kampanija, značna bolš maštabnaja za «12‑dzionnuju vajnu» ŭ červieni 2025 hoda, kali ZŠA ŭdaryli pa padziemnych jadziernych abjektach Irana.
Tramp byŭ blizki da rašeńnia ab udarach pa Iranie jašče ŭ pačatku studzienia, nazirajučy za kryvavaj raspravaj z pratestoŭcami. Adnak paśla hetaha administracyja pieraklučyłasia na «padvojnuju taktyku» — sproby pieramoŭ z Tehieranam pa jaho jadziernaj prahramie paralelna z naroščvańniem vajskovaj prysutnaści ŭ rehijonie. Ciapier nie padobna, što pierahavory pryviaduć da žadanaha dla ZŠA vyniku.
Niepadalok ad Irana ŭžo znachodziacca dva avijanoscy, ź dziasiatak vajskovych sudnaŭ, sotni źniščalnikaŭ i šmatlikija sistemy SPA. Tolki za apošnija 24 hadziny na Blizki Uschod adpravilisia jašče kala 50 źniščalnikaŭ.
Niekatoryja krynicy ŭ ZŠA kažuć, što dla padrychtoŭki apieracyi treba jašče niamała času. Adnak adzin z daradcaŭ śćviardžaje, što ŭ Trampa ŭžo «kančajecca ciarpieńnie», niahledziačy na pieraściarohi niekatorych členaŭ kamandy, i daje «90% imaviernaści» taho, što apieracyja pačniecca ŭ najbližejšyja tydni.
U aŭtorak adbyŭsia čarhovy raŭnd pieramoŭ ZŠA i Irana ŭ Ženievie. Kiraŭnik MZS Irana paśla hetaha zajaviŭ pra «pačatak šlachu da pahadnieńnia» pamiž krainami.
Ułady Irana raspačali nie mienš za 23 tysiačy kryminalnych spraŭ na pratestoŭcaŭ
Tramp: Źmiena režymu ŭ Iranie — najlepšaje, što moža adbycca
Vialikabrytanija ŭ čakańni abvastreńnia ŭ Iranie pierakinuła samaloty na Kipr
Tramp padpisaŭ ukaz ab pavyšeńni taryfaŭ dla krain, jakija handlujuć ź Iranam
Siońnia ŭ Amanie adbuducca pieramovy ZŠA i Irana. Ci dapamohuć jany praduchilić vajnu?
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary
Što da "žadanaha dla ZŠA vyniku", upeŭnieny, heta vynik žadany ŭsimi, a nia tolki USA...