U Polščy terminy razhladu spraŭ ab DNŽ zamarozili da sakavika 2027 hoda. A dla mižnarodnaj abarony — viarnuli
Prezident Polščy Karal Naŭrocki padpisaŭ zakon ab spynieńni rašeńniaŭ, jakija rehulujuć dapamohu biežancam u suviazi z uzbrojenym kanfliktam va Ukrainie. Jon praduhledžvaje pastupovy pierachod ad asobnaha rehulavańnia dapamohi ŭkraincam da ahulnych standartaŭ, ale taksama zakranaje i stanovišča inšych zamiežnikaŭ u Polščy.
Zakon nie admianiaje najbolš važnyja instrumienty časovaj abarony ŭkraincaŭ, a pieranosić ich u zakon ab pradastaŭleńni abarony zamiežnikam, u tym liku padaŭžaje zakonnaść znachodžańnia hramadzian Ukrainy ŭ Polščy da 4 sakavika 2027 hoda, piša Most.
Niahledziačy na toje, što zakon tyčycca pieravažna ŭkraincaŭ, jon zakranaje intaresy i hramadzian inšych krain. Adnoj z samych niepryjemnych dla ich mier stała padaŭžeńnie zamarozki terminaŭ razhladu spraŭ ab DNŽ da 4 sakavika 2027 hoda.
Dziaržorhany pa-raniejšamu buduć prymać i razhladać zajavy, adnak pry hetym mohuć nie prytrymlivacca ŭstanoŭlenych terminaŭ.
Heta vyklučeńnie z pravił było pryniata ŭ pačatku 2022 hoda ŭ suviazi z napłyvam ukrainskich uciekačoŭ i nieadnarazova padaŭžałasia, z-za čaho lehalizacyja raściahvajecca na hady.
Uvosień 2025 hoda anałahičnym čynam byli zamarožanyja terminy razhladu spraŭ ab mižnarodnaj abaronie. Prypynieńnie dziejničaje da 4 sakavika 2026 hoda — ale, u adroźnieńnie ad inšych lehalizacyjnych pracedur, jano nie budzie pradaŭžacca. Takim čynam, Upraŭleńnie ŭ spravach zamiežnikaŭ znoŭ pavinna budzie vynosić rašeńni na praciahu 6 miesiacaŭ z mahčymaściu padaŭžeńnia da 15 miesiacaŭ.
Za vyklučeńniem asobnych pałažeńniaŭ, zakon ustupaje ŭ siłu 5 sakavika 2026 hoda.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu32
Kamientary