Turčyn zajaviŭ, što Biełaruś nie budzie kanfiskoŭvać litoŭskija fury
«Našaje žadańnie — kanstruktyŭna damovicca i vyjści sa składanaj situacyi», — zajaviŭ premjer-ministr Biełarusi padčas sustrečy ź litoŭskimi i polskimi pieravozčykami, piša BiełTA.
Mižnarodnyja aŭtapieravozčyki źviarnulisia da Łukašenki z prośbaj sadziejničać urehulavańniu situacyi z hruzavikami ź litoŭskaj rehistracyjaj.
«My, niahledziačy na adkryta niedružalubnuju palityku susiednich dziaržaŭ, zajmajem kanstruktyŭnuju pazicyju i majem namier maksimalna ŭličvać intaresy ŭsich zacikaŭlenych bakoŭ. Niahledziačy na mahčymaść kanfiskacyi transpartnych srodkaŭ, u biełaruskaha boku dakładna niama ni namieru, ni žadańnia hetym skarystacca. Našaje žadańnie — kanstruktyŭna damovicca i vyjści sa składanaj situacyi. Padčas niadaŭniaha vizitu pradstaŭnikoŭ litoŭskaj asacyjacyi ŭ ich była mahčymaść pierakanacca, što ŭsie transpartnyja srodki znachodziacca na achoŭnych stajankach i ŭ naležnym stanie. Ułaśnik hetych stajanak — kamiercyjnaja arhanizacyja. Naša pazicyja taksama zrazumiełaja: tyja vydatki, jakija paniesła naša kampanija, pavinny być kampiensavany», — skazaŭ Alaksandr Turčyn.
«My na praciahu ŭsich hetych čatyroch miesiacaŭ prapanoŭvali našym kaleham ź Litoŭskaj Respubliki sustrecca, pravieści pieramovy z metaj abrańnia mier pa ŭrehulavańniu hetaha i inšych pytańniaŭ u dvuchbakovym uzajemadziejańni. Na žal, vierahodna, u litoŭskaha ŭrada jość spravy bolš važnyja, čym zajmacca prablemami ŭłasnaha biznesu», — dadaŭ premjer
Nahadajem, što ŭ listapadzie minułaha hoda Litva ŭ adkaz na pastajannyja pryloty mieteazondaŭ kantrabandystaŭ zakryła miažu ź Biełaruśsiu.
U adkaz aficyjny Minsk sabraŭ hruzaviki litoŭskich pieravozčykaŭ i raźmiaściŭ na śpiecyjalnych stajankach z płataj. Pry hetym biełaruskija ŭłady pahražali kanfiskacyjaj hruzavikoŭ
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča22
Kamientary
Zamieču, čto s polakami takich problem nie było, potomu čto polaki vsie sdiełali po procieduram.
Poetomu tut vinovaty v situacii obie storony, pri etom stradajet - trieťja, pierievozčiki iz raznych stran.