17 sakavika 2026 hoda na terytoryju Małdovy zalacieŭ bajavy bieśpiłotnik. Jaho abłomki znajšli pamiežniki kala vioski Tudora, prykładna za paŭkiłamietra ad miažy z Ukrainaj. Incydent adbyŭsia ranicaj, kala dziasiataj hadziny pa miascovym časie.
Na miesca padziei adrazu prybyli śpiecyjalisty, kab pravieryć, ci jość pahroza, i abiasškodzić dron. Žycharoŭ z najbližejšaj terytoryi časova evakujavali. Paźniej vyśvietliłasia, što bieśpiłotnik byŭ z vybuchovym zaradam i zastavaŭsia niebiaśpiečnym. Jaho źniščyli z dapamohaj kantralavanaha vybuchu.
Dakładna nie paviedamlajecca, kamu naležaŭ hety dron, ale źniešnie jon padobny da madelaŭ typu Shahed, jakija vykarystoŭvajucca rasijskaj armijaj.
U toj ža dzień ranicaj stała viadoma, što rasijskija vojski nanieśli mocny ŭdar pa Adeskaj vobłaści va Ukrainie. Paciarpieli enierhietyčnyja, pramysłovyja i partovyja abjekty, na miescach udaraŭ uźnikli pažary. Zahinułych i paranienych nie było, ale ŭ niekatorych nasielenych punktach uźnikli prablemy z elektryčnaściu, a važnyja abjekty pieraklučyli na reziervovyja krynicy enierhii.
Kamientary