Грошы на рэпатрыяцыю ў Беларусь цела аператара Дзяніса Сакалоўскага сабралі
Былы палітвязень памёр некалькі дзён таму ў Берліне, яму было 47 гадоў.
Па смерці сям'я Дзяніс занялася вырашэннем юрыдычных пытанняў, у тым ліку і пытаннем транспартавання цела ў Беларусь, арганізацыяй развітання і пахавання.
Сума збору была заяўлена ў 4600 еўра.
Гэта ўключала:
- €800 — афармленне дакументаў і юрыдычныя паслугі
- €2800 — рэпатрыяцыя цела з Германіі ў Беларусь
- €1000 — пахаванне і развітанне
«Мой тата быў неверагодным чалавекам, ён вельмі любіў гэтае жыццё, любіў людзей. У яго было вялікае адкрытае сэрца, ён быў эмацыйным, творчым і шмат зрабіў для свету, для журналістыкі і мастацтва. Ён быў найлепшым татам, бясконца любіў мяне, як і я яго. Цяпер я адчуваю велізарны боль і вельмі сумую па ім, вельмі моцна сумую. Не магу паверыць, што больш не змагу яго абняць, не ўбачу, не змагу з ім пагаварыць. Гэта вялікая трагедыя для ўсёй нашай сям’і і самае цяжкае выпрабаванне, якое выпала на долю нашай вымушанай эміграцыі. І нам сапраўды патрэбная падтрымка і дапамога», — казала дачка Дзяніса, журналістка Васіліна Сакалоўская.
У жніўні 2020 года Дзяніс Сакалоўскі далучыўся да страйку ў БТ браў у ім актыўны ўдзел. Быў затрыманы па справе «Прэс-клуба» і восем месяцаў правёў у СІЗА. Па вызваленні пакінуў Беларусь.
Збор быў абвешчаны на мінулым тыдні, па стане на 16:00 сабрана 4614 еўра.
Цяпер чытаюць
Першая вясна на волі. Ніна і Уладзімір Лабковічы расказалі пра сваю гісторыю кахання і жыццё пасля турмы5
Каментары