«I ja pacałuju tabie ruku, kali buduć kurčycca Fukujama, Levi i Kisindžer». Jak Azaronak flirtavaŭ z Duhinaj
Takoha saładžavaha Azaronka vy nie viedajecie.
Viadomy prapahandyst Ryhor Azaronak simpatyzavaŭ Darji Duhinaj, dačce ideołaha rasijskaha fašyzmu Alaksandra Duhina. Takuju vysnovu možna zrabić, čytajučy dziońnik Duhinaj «Topi i vysi majho serca. Dziońnik», apublikavany ŭ 2023 hodzie, piša Reform.news.
Duhina (Płatonava) zahinuła ŭ žniŭni 2022 hoda ŭ vyniku padryvu aŭtamabila ŭ Padmaskoŭi, jakim jana kiravała. Nieviadoma, ci była mišeńniu jana sama abo ŭsio ž jaje baćka, jaki nie pajechaŭ ź joj, u apošni momant čamuści pierasieŭšy ŭ inšuju mašynu.
Voś frahmient dziońnika, dzie zhadvajecca Azaronak i publikujucca jaho asabistyja paviedamleńni.
Składajecca ŭražańnie, što sama Duhina nie adkazvała jamu ŭzajemnaściu.
Uražańni Azaronka pra Darju Płatonavu: «A ja padumaŭ jašče da aŭtobusa ŭ Rastovie — jakaja pryhožaja francužanka, jakoha chrena ź joj hety blizkaŭschodni piersanaž».
Azaronak: «Na froncie, na pieradavoj — tam najlepšyja mužčyny, tam najlepšyja, tam voiny. Prostyja z pramym pozirkam — surjoznyja, zasiarodžanyja, mocnyja, pryhožyja — samyja, samyja najlepšyja, samyja etałonnyja. Kožny ź ich — samy, samy cudoŭny. A ŭ tyłach siadziać piersanažy, jakija ładziać viečarynki, orhii, ablivajuć b… šampanskim, śmiajucca z tupavatych «Vaniek» na frantach».
Azaronak: «Vals, i ja pacałuju tabie ruku, kali buduć kurčycca Fukujama, Levi i Kisindžer. Ty spytaješ — što za huk, ja skažu — nie adciahvajsia, tancuj».
Azaronak vielmi baluča adreahavaŭ na zabojstva Duhinaj. U efiry STB jon nadryŭna skazaŭ:
«Darja Duhina, uzarvanaja podłym i ahidnym teraktam. Nie zmahli i nie zmožacie ničoha zrabić z baćkam — vyrašyli zabić jaho śmierciu dački. A jon ustaŭ i skazaŭ: nam patrebna tolki naša Pieramoha. Na jaje ałtar pakłała svajo dziavočaje žyćcio maja dačka. Dyk pieramažycie, kali łaska! I vy zadryžali, spałochalisia».
Jon taksama skłaŭ «Śpis Duhinaj» — u jaho jon uklučyŭ biełarusaŭ, jakija, ź jaho punktu hledžańnia, niapravilna adreahavali na śmierć Darji.
Viadoma, što Azaronku 30 hadoŭ. Jon dahetul nie žanaty. Hety fakt nieadnojčy stanaviŭsia nahodaj dla žartaŭ z boku Alaksandra Łukašenki. Toj publična nahadvaŭ jamu pra hety «daŭžok», na što Azaronak adkazvaŭ, što pracuje nad hetym.
-
Kaleśnikava: Vajna, jakuju pačała Rasija, nie prosta suprać Ukrainy. Heta vajna suprać jeŭrapiejskich kaštoŭnaściaŭ
-
Što ciapier ź italjanskimi vizami? Masavyja admovy? Turfirmy nazyvajuć alternatyvu
-
Niamiecki deputat z prarasijskaj partyi pryviazie ŭ Biełaruś pradstaŭnikoŭ «Alternatyvy dla Hiermanii»
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Chtości jašče sumniajecca ŭ tym što Azaronak - pradstaŭnik ŁHBT?