U Barysavie raspracavali pažarny tank dla samych składanych uzharańniaŭ FOTY
Barysaŭskija pradpryjemstvy pryniali ŭdzieł u raspracoŭcy novaj ciažkaj pažarnaj techniki — husieničnaj mašyny HPM-72. Jana pryznačana dla tušeńnia samych składanych pažaraŭ i zdolnaja pracavać tam, kudy zvyčajnaja technika prosta nie prajedzie, piša ex-press.by.
Dziaržkamvajenpram Biełarusi pradstaviŭ novuju husieničnuju pažarnuju mašynu HPM-72. Jaje nazyvajuć «pažarnym tankam», tamu što technika maje braniravany korpus i moža pracavać va ŭmovach pavyšanaj niebiaśpieki.
Raspracoŭka pryznačana dla likvidacyi pažaraŭ 4‑ha kłasa składanaści — naprykład, na pramysłovych abjektach, składach z haručymi materyjałami abo bojeprypasami. Brania abaraniaje ekipaž ad mahčymych vybuchaŭ i askołkaŭ.
Da stvareńnia novaj mašyny datyčnyja barysaŭskija pradpryjemstvy. Techniku raspracavali sumiesna TAA «Pažsnab» i AAT «140 ramontny zavod», jakija znachodziacca ŭ Barysavie.
Mašyna atrymała husieničnaje šasi, tamu moža pierasoŭvacca pa ciažkaprachodnaj miascovaści — naprykład, u lasach abo na razburanych terytoryjach.
Padčas pracy jana moža padavać vadu z dapamohaj śpiecyjalnaj akvamačty vyšynioj da šaści mietraŭ.
Technika taksama asnaščana mahutnaj pompaj, jakaja zdolnaja pierapampoŭvać da 2500 litraŭ vadkaści za chvilinu, a abjom cysterny składaje da 10 ton vady. Pompavaja ŭstanoŭka moža pracavać i ź pienaŭtvaralnikam — jaje pradukcyjnaść dasiahaje 4000 litraŭ za chvilinu.
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1212
Kamientary