800 h špinatu abo lebiady, 1 łyžka muki, sol, 1 łyžka masła, 1 šklanka bulonu abo małaka, 1 čajnaja łyžka cukru.
Špinat abo lebiadu pierabrać, apałasnuć, ad vady adcisnuć abo abtreści. Ukinuć u kipień. Kali niekalki razoŭ pieraviernucca i zhatujucca da miakkaści, pierakłaści ŭ chałodnuju vadu, apałasnuć, adcisnuć i pieracierci cieraź sita. Raspuścić łyžku masła, źmiašać z mukoj, raźvieści bulonam abo małakom i zakipiacić. Pałažyć u hetuju vadkaść advaranyja špinat abo lebiadu, pieramiašać, pasalić i pasaładzić, mocna nahreć, ale nie kipiacić, bo strava sčarnieje, i padać z padsmažanymi ŭ maśle hrenkami, vypusknymi jajkami, amletam abo padsmažanaj cialačaj piačonkaj.
Dla pryhatavańnia hetaj stravy možna taksama vykarystać maładuju krapivu, sałatu, baćvińnie radyski, ale ŭ hetym vypadku razvodzić stravu treba nie małakom, a tolki bulonam.
Vypusknyja jajki
Vypusknyja jajki, jakija jašče časam nazyvajuć pierduty, robiacca nastupnym čynam: u vadu ŭ nievialikim rondali dadać soli i vocatu, nievysoka nad rondalem akuratna raźbivajuć jajki i pa adnym upuskajuć ich ŭ kipień. Kali białok zaćviardzieje tak, što jajka možna budzie vyniać šumoŭkaj abo drušlakovaj łyžkaj, dastać ich aściarožna pa adnym i pakłaści ŭ talerki, kudy adrazu ž paśla hetaha nalić sup. Jajki raskładajuć niepasredna pa talerkach, bo ŭ supnicy jany mohuć padušycca.
Z knihi V. Zavadzskaj «Litoŭskaja kucharka», 1864 h.
Padrychtavała NB
Kamientary