U miesiendžary Max Sałaŭjoŭ dadajecca aŭtamatyčna, a adpisacca ad jaho ceły kvest
Karystalniki rasijskaha sajta «Pikabu» zaŭvažyli prablemu ŭ stvoranym rasijskaj dziaržavaj miesiendžary Max: u niekatorych ludziej źjaŭlajucca kanały, na jakija jany nie padpisvalisia i ad jakich składana abo niemahčyma adpisacca, piša «Mieduza».
Adzin z karystalnikaŭ apublikavaŭ videa, dzie jon sprabuje adpisacca ad kanała, źviazanaha z prapahandystam Uładzimiram Sałaŭjovym. Niahledziačy na šmatrazovyja naciskańni knopki «adpisacca», kanał usio adno zastajecca ŭ śpisie čataŭ.
Inšyja ŭdzielniki taksama paćvierdzili, što ŭ ich źjaviłasia šmat nieviadomych kanałaŭ, u tym liku z praŭradavym i prapahandysckim źmiestam. Heta nazirajecca ŭ kampjutarnaj viersii prahramy — u mabilnaj takich prablem niama. Niekatoryja skardziacca, što paśla sproby adpisacca ich aŭtamatyčna znoŭ padpisvajuć, a taksama niama mahčymaści paskardzicca. U asobnych vypadkach miesiendžar navat zavisaje.
Adzin z karystalnikaŭ adznačyŭ, što zmoh vyrašyć prablemu, źmianiŭšy nałady pryvatnaści — dazvoliŭ dadavać siabie ŭ kanały i čaty tolki svaim kantaktam.
Miesiendžar Max pačali aktyŭna prasoŭvać u Rasii paśla jaho zapusku ŭ 2025 hodzie. Na hetym fonie ŭłady abmiažoŭvajuć pracu inšych papularnych servisaŭ, takich jak WhatsApp i Telegram. Pry hetym sam Max užo krytykavali za mahčymyja prablemy ź biaśpiekaj i ryzyku sačeńnia za karystalnikami.
Rasijskim vajskoŭcam zabaraniajuć karystacca dziaržaŭnym miesiendžaram Max, jaki naviazvajuć astatniamu hramadstvu
Biełaruskija dziaržaŭnyja ŚMI pačali zaklikać čytać ich u rasijskim miesiendžary Max
U Rasii zahadali pieravieści ŭsie damavyja čaty ŭ miesiendžar Max
Rasijanie zapuścili ŭ Biełarusi dziŭny miesiendžar — rehistracyja pa numary telefona, a voś vydalicca možna tolki kali dazvolać
Kamientary
Koje-čto nasało vyłoziť naružu
https://habr.com/ru/articles/1006666/