«Tak ludzi i žyvuć»: šakavalnyja kadry z homielskaha internata
Tualety nie pracujuć, abłuplenaja farba i tynkoŭka, hrybok i ćvil, śmiećcie i brud — sapraŭdnaja kamunalnaja katastrofa na videa z homielskaha internata.
U redakcyju «Mocnych Navin» źviarnuŭsia žychar internata pa Savieckaj, 240. Mužčyna raskazaŭ pra žachlivyja ŭmovy, u jakich vymušany isnavać žylcy.
Pavodle słoŭ čytača, u internacie tualety «nie pracujuć hadami», krany ciakuć, źmiašalniki vady — tolki dla imitacyi: vada albo ledzianaja, albo kipień.
Pieraharełuju lampačku taksama pamianiać prablema — zahadčyca tłumačyć heta adsutnaściu finansavańnia.
Pavodle słoŭ mužčyny, samaje aburalnaje ŭ hetaj historyi toje, što žylcy spraŭna płaciać. Akramia kamunalnych pasłuh (kala 20 rubloŭ), jany ŭnosiać jašče kala 150 rubloŭ. Ale kudy iduć hetyja hrošy, zastajecca zahadkaj.
«Nam ničoha nie vydzialajuć, kamu nie padabajecca — vysialacca», — takoje staŭleńnie ŭ internacie, pavodle słoŭ hamielčuka, stała normaj.
Mužčyna ŭ dokaz dasłaŭ mnostva videa, dzie bačnaja ŭsia «pryhažość» pobytu. Kadry vyklikajuć nie tolki estetyčnuju ahidu, ale i pytańni nakont biaśpieki pražyvańnia.
«Tak ludzi i žyvuć», — havoryć mužčyna na videa.
«Mocnyja Naviny» źviarnulisia pa tłumačeńnie da zahadčycy internata, adnak jana admoviłasia kamientavać situacyju, tolki adznačyła, što žychar, jaki źviarnuŭsia, užo atrymaŭ sacyjalnaje žyllo, a tut znachodzicca «na ptušynych pravach».
Načalnica taksama paraiła źviarnucca da Aleha Anatoljeviča Kraŭcevičusa, namieśnika dyrektara pa ideałahičnaj pracy KŽREUP «Čyhunačnaje», na bałansie jakoha znachodzicca internat, adnak tam słuchaŭku nie źniali.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia7
Kamientary
I supastavić ich aficyjnyja dachody z koštam ich majomaści.
I kudy iduć pa 150 rubloŭ z kožnaha (1800 rubloŭ u hod)? Čamu nie na ramont?
Vy adept takoha padychodu: płacim za ŭsio dziaržavie, a potym jašče raz płacim, kab zrabić usio za svoj košt? I paśla hetaha vysialajemsia pa zahadzie načalnika internata?
Pooŝriajetie karupcyju i biaździejańnie dziaržaŭnych vorhanaŭ, jakim płocicie z ułasnaj kišeni?
Padjezd mojecie svoj sam? Lift sam čynicie? Vakoł doma śmiećcie z musarak u musaravoz skidajecie kožny dzień? Čamu nie?