Як паведамляе выданне New York Post са спасылкай на інфармаваныя крыніцы, прэзідэнт ЗША Дональд Трамп разглядае магчымасць перайменавання Армузскага праліва ў свой гонар, калі ЗША ўсталююць над ім кантроль.
Падчас выступлення на інвестыцыйным форуме ў Маямі Трамп нават згадаў пра гэты праліў, назваўшы яго «пралівам Трампа», а пасля дадаў, што гэта не была зусім выпадковая агаворка.
«Яны павінны разблакаваць праліў Трампа — гэта значыць Армузскі. Прабачце, якая прыкрасць… Такая жахлівая памылка. Фэйкавыя навіны скажуць: ён абмовіўся — выпадкова сказаў. Не, са мной не бывае выпадковасцяў, не занадта шмат», — заявіў ён.
Паводле інфармацыі журналістаў, у выпадку кантролю над гэтым стратэгічным водным шляхам разглядаюцца два варыянты назвы: «Амерыканскі праліў» або «праліў Трампа».
Раней Трамп адклаў магчымыя ўдары па іранскай энергетыцы да 6 красавіка, каб працягнуць перамовы з Тэгеранам, якія, паводле яго слоў, ідуць даволі паспяхова. Ён таксама заклікаў Іран разблакаваць праліў, праз які праходзіць значная частка сусветных паставак нафты і звадкаванага газу.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
Дональд, гэта ўжо не смешна.