U sakaviku ŭ Biełarusi pradali 5,7 tys. novych lehkavych aŭtamabilaŭ. Heta amal na 40% bolš, čym u lutym. Takija danyja pryvodzić Office Life sa spasyłkaj na Biełaruskuju aŭtamabilnuju asacyjacyi.
U lutym u Biełarusi pradali 4,1 tys. novych aŭtamabilaŭ. Pry hetym 65% ahulnaha abjomu prodažaŭ pryjšłosia na Belgee i Geely.
U sakaviku bolš za ŭsio novych lehkavych aŭtamabilaŭ taksama pradaŭ zavod «Biełdžy» — 3,2 tys. Pry hetym u asacyjacyi adznačajuć, što prodažy elektramabila Geely EX2 za miesiac vyraśli na 125% — da 383 adzinak. Heta stała lepšym vynikam za miesiac siarod usich pradstaŭlenych u krainie madelaŭ na elektraciazie.
U lutym u Biełarusi na 13% źnizilisia prodažy aŭtamabilaŭ brendu Lada. U toj miesiac rasijski vytvorca pradaŭ u našaj krainie tolki 470 novych aŭto. U BAA adznačajuć, što za sakavik prodažy brenda vyraśli na 77% — da 850 mašyn.
Što da siehmienta elektramabilaŭ u cełym, to za sakavik rost u im skłaŭ 85%. Za miesiac u Biełarusi nabyli 1,8 tys. aŭto na elektraciazie. Pry hetym kožny čaćviorty pradadzieny ŭ krainie aŭtamabil abstalavany elektryčnym ruchavikom.
U BAA źviazvajuć rezki rost prodažaŭ novych aŭtamabilaŭ u sakaviku z adkładzienym popytam. Chałodnaja zima ŭ pačatku hoda strymlivała pakupnikoŭ, jakija čakali paciapleńnia, kab abnavić aŭtapark. Pry hetym sakavickaje ažyŭleńnie prodažaŭ zakranuła praktyčna ŭsich udzielnikaŭ rynku. Tak, z top-20 brendaŭ stanoŭčuju dynamiku prademanstravali 18 marak.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary