Na miažy Litvy ź Biełaruśsiu raźviarnuli 35 mihrantaŭ — heta rekord z pačatku hoda
Heta rekordnaja sutačnaja kolkaść mihrantaŭ, zafiksavanaja sioleta, piša Delfi.lt.
Pavodle danych słužby, zatrymanyja zamiežniki nazvalisia hramadzianami Afhanistana, Irana, Maroka, Pakistana i Samali. U ich nie było dakumientaŭ, za vyklučeńniem adnaho hramadzianina Afhanistana.
Siarod zhadanych 35 zamiežnikaŭ była taksama hrupa mihrantaŭ, jakija płanavali niezakonna praniknuć u Litvu. Adnak, znachodziačysia jašče na biełaruskim baku i ŭbačyŭšy litoŭskich pamiežnikaŭ, što nabližalisia, jany nie paśpieli pierasiekčy miažu i adyšli.
Bolšaść nielehalnych mihrantaŭ traplaje ŭ Litvu praz terytoryju Čapkialajskaha dziaržaŭnaha pryrodnaha zapaviednika ŭ Varenskim rajonie, što la Hrodna.
U sieradu byli praviedzieny indyvidualnyja pravierki zamiežnikaŭ, zatrymanych jak u hetym, tak i ŭ inšych miescach. Padčas hetych pravierak pahraničniki ŭstanavili, što mihrantam ničoha nie pahražaje. Paśla acenki ŭsich abstavin ich viarnuli ŭ Biełaruś.
U minułym hodzie supracoŭniki Słužby achovy miažy nie ŭpuścili 1,6 tys. nielehalnych mihrantaŭ, z pačatku hetaha hoda — 186.
Za ŭvieś pieryjad mihracyjnaha kryzisu ź leta 2021 hoda na miažy Biełarusi z krainami-členami ES u Litvu ŭ ahulnaj składanaści nie ŭpuścili bolš za 24,6 tys. nielehalnych mihrantaŭ.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty34
Kamientary