Adnaho z uzornych rabotnikaŭ Mazyrskaha NPZ asudzili pa spravie Hajuna
Uładzimir Čuryła prajšoŭ šlach da viadučaha inžyniera-technołaha i atrymlivaŭ uznaharody za vydatnuju pracu. Ale niadaŭna mužčynu asudzili za «sadziejničańnie ekstremizmu».
Uładzimiru Čuryłu 39 hadoŭ. Jon minčuk. U 2004 hodzie skončyŭ minskuju himnaziju №56 z pahłyblenym vyvučeńniem matematyki. U 2009 hodzie atrymaŭ dypłom Biełaruskaha dziaržaŭnaha technałahičnaha ŭniviersiteta pa śpiecyjalnaści «Technałohii arhaničnych rečyvaŭ».
Svaju karjeru jon pačynaŭ jašče studentam z praktyki na «Naftanie» i Mazyrskim NPZ na pasadzie dublora apieratara. Z časam Čuryła staŭ viadučym inžynieram-technołaham paliŭna-katalityčnaj vytvorčaści na zavodzie ŭ Mazyry, dzie pierapracoŭvajuć siernistuju naftu. U červieni 2021 hoda Uładzimiru prysvoili hanarovaje zvańnie «Najlepšy racyjanalizatar».
Pa-za pracaj Uładzimir cikavicca finansavaj hramatnaściu i inviestavańniem: sočyć za kaciroŭkami akcyj, abmiarkoŭvaje vyhadnyja bankaŭskija kartki i drobnyja pakupki na markietpłejsach. Vyvučaje prahramavańnie. Taksama va Uładzimira jość sabaka.
Jaho zatrymali ŭ kastryčniku minułaha hoda. U vyniku Homielski abłasny sud vynies Čuryłu prysud pavodle častak 1 i 2 artykuła 361‑4 Kryminalnaha kodeksa Biełarusi (sadziejničańnie ekstremisckaj dziejnaści). Pieraśled pa im zvyčajna źviazany sa spravaj Hajuna. Mužčynu dali chatniuju chimiju.
«Naša Niva» — bastyjon biełaruščyny
PADTRYMAĆCiapier čytajuć
Voś chto toj chłopiec, jaki pajechaŭ na prapołku bulby i staŭ hierojem sacsietak3
Kamientary