Supiermadel Iryna Šejk (Iryna Šajchlisłamava), jakaja naradziłasia i vyrasła ŭ maleńkim šachciorskim haradku Jemanžalinsku ŭ Čelabinskaj vobłaści, apublikavała ŭ instahramie staryja fotazdymki sa svajho junactva.
U karusieli zdymkaŭ možna ŭbačyć maleńkuju Irynu ŭ typovaj atmaśfiery 80‑ch — 90‑ch hadoŭ: prostaja vopratka, savieckija interjery, dyvany na ścienach. Na zdymkach — siabry i siamiejniki Šejk.
Iryna Šejk naradziłasia ŭ 1986 hodzie ŭ Jemanžalinsku (Čelabinskaja vobłaść, RSFSR). Da raspadu SSSR joj było 5 hadoŭ, jaje dziacinstva prajšło na saviecki pieryjad i burnyja 90-ja.
Jaje baćka byŭ tatarynam, pracavaŭ šachcioram (pamior, kali Irynie było 14 hadoŭ). Siamja žyła davoli ścipła: maci pracavała ŭ muzyčnaj škole, babula dapamahała vychoŭvać dziaciej. Karjera madeli dla Šajchlisłamavaj pačałasia ź pieramohi ŭ Čelabinskim konkursie pryhažości «Supiermadel 2004».
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy41
Kamientary