Słucki miasakambinat aficyjna staŭ častkaj ahrakambinata «Dziaržynski» z 1 krasavika 2026 hoda. Rašeńnie pra dałučeńnie było pryniata jašče raniej, piša Office Life.
Akcyjaniery Słuckaha miasakambinata padtrymali rearhanizacyju, paśla čaho pradpryjemstva ŭvajšło ŭ skład bujnoha dziaržaŭnaha ahrachołdynhu. Ciapier jano pracuje nie jak asobnaja struktura, a jak vytvorčaja placoŭka «Dziaržynskaha».
Heta nie adzinaje pašyreńnie ahrakambinata. U apošnija hady jon užo dałučyŭ šerah inšych pradpryjemstvaŭ — u tym liku kambikormavy zavod, sielhaspradpryjemstva i chlebapraduktovy kambinat. Jašče raniej u jaho skład uvajšli bujnyja ptuškafabryki i miasakambinaty. U vyniku «Dziaržynski» staŭ adnym z najbujniejšych ahrarnych chołdynhaŭ u Biełarusi.
Kiravańnie słuckaj placoŭkaj ciapier ažyćciaŭlaje pradstaŭnik ahrakambinata «Dziaržynski», jaki adnačasova źjaŭlajecca hałoŭnym inžynieram kampanii.
Taksama paviedamlajecca, što dziaržava padtrymlivaje raźvićcio hetych pradpryjemstvaŭ: płanujecca vydzialeńnie značnych srodkaŭ na inviestprajekty. U płanach — budaŭnictva zavoda pa vytvorčaści białkovaha parašku i madernizacyja vytvorčaści na miasakambinacie.
Łukašenka raniej jeŭ nanač kaŭbasu, a ciapier užo nie moža
Skandalnyja katlety z hruzinskaj kramy akazalisia sapraŭdy biełaruskimi. «Dziubaŭ, łap i chvastoŭ» unutry nie znajšli
Za try hady ŭ Biełarusi ŭtraja pavialičyli vytvorčaść indyčaciny
Ahrakambinat «Dziaržynski» praciahvaje pašyracca, dałučaje «Minski miasakambinat»
Kamientary