Vens raskrytykavaŭ «tarhi» pamiž Ukrainaj i Rasijaj za «niekalki kvadratnych kiłamietraŭ»
Vice-prezident ZŠA Džej Dzi Vens padčas vizitu ŭ Vienhryju zajaviŭ, što ličyć niedarečnymi tarhi pamiž Ukrainaj i Rasijaj za «niekalki kvadratnych kiłamietraŭ». Jak paviedamlaje «Jeŭrapiejskaja praŭda», pra heta jon skazaŭ 8 krasavika.
Kamientujučy pierahavorny praces pa ŭrehulavańni rasijska-ŭkrainskaj vajny, Vens pastaviŭ pad sumnieŭ metazhodnaść sprečki za «niekalki kvadratnych kiłamietraŭ», vidavočna, namiakajučy na toje, što Kijeŭ pavinien pajści na terytaryjalnyja sastupki.
«Ja b skazaŭ i rasijanam, i ŭkraincam: viedajecie, na hetym etapie my havorym pra tarhi nakont niekalkich kvadratnych kiłamietraŭ terytoryi ŭ toj ci inšy bok. Ci varta heta straty socień tysiač dadatkovych rasijskich i ŭkrainskich maładych mužčyn? Ci varta heta dadatkovych miesiacaŭ abo navat hadoŭ vysokich cen na enierhanośbity i ekanamičnaha spustašeńnia? My ličym, što adkaz adnaznačna «nie», — zajaviŭ vice-prezident ZŠA.
Jon dadaŭ, što «dla tanha patrebny dvoje», tamu rasijanie i ŭkraincy pavinny samastojna damovicca.
«Tamu choć Viktar [Orban] i prezident Tramp buduć praciahvać pracavać nad mirnym urehulavańniem, pa sutnaści, my možam tolki adčynić dźviery. Rasijanie i ŭkraincy pavinny sami praź ich prajści», — zajaviŭ Vens.
Varta adznačyć, što supiarečnaści pamiž Rasijaj i Ukrainaj pa terytaryjalnym pytańni tyčacca zusim nie «niekalkich kvadratnych kiłamietraŭ», jak śćviardžaje Vens. Rasijski bok patrabuje, kab Ukraina vyvieła svaje vojski jak minimum z tak i nie zachoplenaj rasijskimi vojskami za čatyry hady častki Danieckaj vobłaści. Heta niedzie kala 20% terytoryi hetaj vobłaści, na jakoj siarod inšaha znachodziacca takija bujnyja harady, jak Kramatorsk i Słaviansk. Akramia taho, hetyja terytoryi važnyja dla Ukrainy i stratehična, bo na ich zbudavanyja mocnyja linii abarony.
Džej Dzi Vens znachodzicca ŭ Vienhryi z učarašniaha dnia. Jon pryjechaŭ tudy dla taho, kab padtrymać prarasijskaha premjer-ministra krainy Viktara Orbana pierad hałasavańniem na parłamienckich vybarach, jakoje maje adbycca ŭ najbližejšuju niadzielu, 12 krasavika. Viktara Orbana horača padtrymlivaje i prezident ZŠA Donald Tramp.
Piaskoŭ prakamientavaŭ słovy Zialenskaha pra toje, što Rasija dała Ukrainie dva miesiacy na vychad z Danbasa
Zialenski: Rasija daje Ukrainie dva miesiacy na vychad z Danbasa
«Rasija ciśnie na ZŠA». Zialenski raskryŭ novyja terminy, pastaŭlenyja rasijanami dla zachopu Danbasa
ZŠA na pieramovach z Ukrainaj patrabujuć vyvadu vojsk z Danbasa
Zamknionaje koła. Čamu buksujuć pieramovy pra mir va Ukrainie?
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary
viernitie otžatuju Kaliforniju Mieksikie..
triepło tupoje...