U Litvie raskryli mižnarodnuju hrupu, što płanavała palityčnyja zabojstvy. Siarod złačyncaŭ jość biełarusy
U Sałonikach (Hrecyja) byŭ zatrymany 55‑hadovy mužčyna, jakoha padazrajuć u padrychtoŭcy dvajnoha zabojstva na terytoryi Litvy.
Mužčyna byŭ zatrymany 10 lutaha pa jeŭrapiejskim ordary na aryšt. Zhodna z materyjałami spravy, jon praz pasiarednikaŭ moh pieravieści 5000 jeŭra na padrychtoŭku złačynstva, piša Delfi.lt.
Litoŭskija pravaachoŭnyja orhany adznačajuć, što płanavałasia dvajnoje zabojstva — aktyvista z Rasii, jaki atrymaŭ prytułak u Litvie, i daradcy pa palityčnych pytańniach, viadomaha svajoj krytykaj na adras Rasii.
Adnak zabojstva nie było ździejśniena. 12 sakavika 2025 hoda palicyja praviała apieracyju i zatrymała padazravanych.
U miežach rasśledavańnia ŭ pole zroku trapili siem čałaviek, u tym liku źviazanyja z Hrecyjaj. Pavodle materyjałaŭ spravy, zhadvajucca jak minimum čatyry hreki, ź ich troje — hramadzianie Hrecyi i adzin — z padvojnym hramadzianstvam (Hrecyi i Rasii).
Siarod padazravanych jość taksama hramadzianie inšych krain (Hruzii, Ukrainy, Biełarusi i Litvy).
Miarkujecca, što hałoŭnyja arhanizatary kaardynavali nazirańnie i rychtavali płan zabojstva, jaki za 40 000 jeŭra pavinny byli ździejśnić najomniki, a arhanizataru płanavali zapłacić 50 000 jeŭra. Častka sumy — 5000 jeŭra — užo była pieraviedziena dla finansavańnia pačatkovaha etapu: atrymańnia dakumientaŭ i apłaty pajezdki ŭ Litvu.
Padčas rasśledavańnia vyśvietliłasia, što padazravanyja źbirali infarmacyju pra patencyjnych achviar, sačyli za imi, fatahrafavali i zdymali videa; u aŭtamabili adnoj z patencyjnych achviar navat ustalavali žučok. Palicyja padazraje, što jany taksama ŭzłamali elektronnyja sistemy aktyvista. Inšy čałaviek, źviazany z Hrecyjaj, moh sprabavać znajści litoŭca, jaki pavinien byŭ pieradać zbroju, adnak hety płan nie byŭ realizavany.
Rasśledavańnie praciahvajecca i ŭ inšych krainach Jeŭropy. U spravie jość i padazravany, jaki moža znachodzicca ŭ Hiermanii. Palicyja nie vyklučaje, što ŭ najbližejšy čas mohuć źjavicca i inšyja asoby, źviazanyja z hetaj spravaj.
Ciapier čytajuć
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach77
Alaksandr Nadsan pieršy raz pryjechaŭ u Biełaruś paśla saraka hadoŭ emihracyi. Minskaja moładź niečakana znajšła ŭ im toje, čaho nie bačyła ŭ svaich baćkach7
«Kali i pryjedu ŭ Biełaruś, to ŭžo jak turyst». Arhienciniec chacieŭ zrabić biznes u Biełarusi, ale jaho vysłali za drabiazu. Ciapier dazvolili viarnucca, ale jość niuans22
Kamientary