U Pchieńjanie adkryli pomnik sałdatam KNDR, jakija zahinuli ŭ Kurskaj vobłaści
Na mierapryjemstvie prysutničaŭ lidar KNDR Kim Čen Yn, a taksama ministr abarony Rasii Andrej Biełavusaŭ i kiraŭnik Dziarždumy Viačasłaŭ Vałodzin.
U niadzielu ŭ Pchieńjanie ŭłady KNDR praviali ŭračystuju cyrymoniju adkryćcia pomnika paŭnočnakarejskim vajskoŭcam, jakija zahinuli ŭ bajach u Kurskaj vobłaści. Taksama byŭ adkryty «Miemaryjalny muziej bajavych podźvihaŭ u zamiežnaj vajennaj apieracyi», paviedamlaje Paŭnočnakarejskaje telehrafnaje ahienctva.
Na mierapryjemstvie prysutničaŭ lidar KNDR Kim Čen Yn, ministr abarony krainy No Hvan Čchor i inšyja vysokapastaŭlenyja čynoŭniki. Z Rasii na mierapryjemstva prybyli kiraŭnik Minabarony Andrej Biełavusaŭ i śpikier Dziarždumy Viačasłaŭ Vałodzin.
Apošni taksama začytaŭ zvarot Pucina, u jakim havaryłasia, što paŭnočnakarejskija vajskoŭcy, jakija zmahalisia ŭ Kurskaj vobłaści, «nazaŭsiody zastanucca ŭ sercy kožnaha hramadzianina Rasii».
Pavodle źviestak paŭdniovakarejskaj raźviedki, u bajach na baku Rasii zahinuli i atrymali ranieńni kala šaści tysiač vajskoŭcaŭ z KNDR, ale hetyja danyja mohuć być zavyšanyja.
Pry hetym u pryfrantavoj zonie mohuć pa-raniejšamu znachodzicca tysiačy paŭnočnakarejskich sałdat.
Kamientary
[Zredahavana]
Z 7 fihur 4 karejcy i 3 ruskija.
Źleva naprava:
Karejec vyvodzić ranienaha ruskaha brata z pola boju. Ruski kinuŭ aŭtamat, ale trymaje ŭ ruce hranatu. Tvar valavy, mužny, aryjski, jak u savieckich pomnikach sałdatam.
Dalej: ruski z aŭtamatam stralaje z-za plača karejca z aŭtamatam.
Nad imi kiruje karejski kamandzir.
Upieradzie dva ściahanoscy. Iznoŭ pieršy karejec, za im ruski.
Vyhladaje, što ruskija znajšli sabie starejšaha brata.
Z artykuła KCNA: "...prajaŭlenyja ŭ śpiecyjalnych vajennych apieracyjach pa vyzvaleńni Kurskaj vobłaści brackaj Rasijskaj Fiederacyi", "źjaŭlajecca simvałam samaha praviednaha naroda i najmacniejšaj armii", "adnosin pamiž KNDR i Rasijaj, što vybudoŭvajucca i ŭmacoŭvajucca canoj kryvi".
"My, ruskija, z bratniaju Paŭnočnaj Karejaj Razam šukali k ščaściu daroh. U bitvach za volu, u bitvach za dolu. Ź joj zdabyli my ściah pieramoh! Nas abjadnała Kim Čen Yna imia, Partyja k ščaściu viadzie nas u pachod."