Sinoptyk Dźmitryj Rabaŭ u efiry telekanała ANT papiaredziŭ, što na tydni z 21 da 27 vieraśnia ŭ Biełarusi pačniecca sapraŭdnaja vosień. Nadvorje budzie pieramienlivym, z daždžami, pachmurnym niebam i paryvistym vietram. Siaredniaja tempieratura ŭ treciaj dekadzie vieraśnia čakajecca krychu nižejšaj za klimatyčnuju normu. Sa słoŭ Rabava, biełarusam spatrebiacca parasony i ciopłyja rečy.
U paniadziełak, 21 vieraśnia, Biełaruś nakryjuć atmaśfiernyja franty. Na praciahu dnia budzie vobłačna z prajaśnieńniami, amal pa ŭsioj krainie projduć daždžy. Unačy tempieratura składzie ad +7 da +14 hradusaŭ, dniom — ad +12 na paŭnočnym zachadzie da +17 na poŭdni.
U aŭtorak, 22 vieraśnia, na terytoryju krainy pryjdzie paŭdniovy cykłon, centr jakoha budzie znachodzicca nad centralnymi rajonami susiedniaj Rasii. Čakajucca daždžy, paryvisty paŭnočna-zachodni viecier i vysokaja vilhotnaść — da 90%. Nočču budzie ad +5 da +11 hradusaŭ, dniom — ad +10 na Viciebščynie da +17 na Homielščynie.
U sieradu, 23 vieraśnia, niepahodnaje nadvorje zachavajecca. Biełaruś zakranie jašče adzin paŭdniovy cykłon, centr jakoha pieramieścicca na paŭdniova-ŭschodniuju častku krainy. Budzie pachmurna, projduć daždžy, miescami mahčymyja mocnyja zalevy i navalnicy. Viecier moža ŭzmacnicca. Nočču čakajecca ad +5 da +10 hradusaŭ, dniom — ad +10 da +16.
U čaćvier, 24 vieraśnia, istotnych źmien u nadvorji nie adbudziecca. Atmaśfiernyja franty pryniasuć daždžy i navalnicy amal na ŭsioj terytoryi krainy. Nočču tempieratura budzie ad +4 da +9 hradusaŭ, dniom — ad +7 da +12.
U piatnicu, 25 vieraśnia, ciaplej nie stanie. Centr Bałtyjskaha cykłonu raźmieścicca nad Biełaruśsiu, tamu zachavajecca pachmurnaje, daždžlivaje i vietranaje nadvorje. Nočču i ranicaj uzmocniacca tumany, bačnaść miescami moža źnižacca da 500 mietraŭ. Nočču budzie ad +7 da +12 hradusaŭ, udzień — ad +8 na Viciebščynie da +13 na Brestčynie i Hrodzienščynie.
Adnak u apošnija vieraśnioŭskija vychadnyja nadvorje pačnie palapšacca. Rabaŭ prahnazuje spakojnaje, umierana ciopłaje i pa vosieńskich mierkach kamfortnaje nadvorje.
U subotu, 26 vieraśnia, budzie vobłačna z prajaśnieńniami, miescami mahčymyja karotkačasovyja daždžy. Nočču tempieratura składzie ad +5 da +10 hradusaŭ, udzień — ad +9 na zachadzie Biełarusi da +15 na ŭschodzie.
U niadzielu, 27 vieraśnia, zachavajecca ŭpłyŭ vobłaści vysokaha atmaśfiernaha cisku. Budzie vobłačna, miescami projduć karotkačasovyja daždžy. Nočču i ranicaj znoŭ mahčymy husty tuman. Nočču budzie ad +4 da +9 hradusaŭ, a dniom — ad +12 da +17.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1616
Kamientary
A ci spatrebiacca biełarusam ciopłyja batarei ŭ kvaterach?