Cichanoŭskaja praviała bryfinh dla pasłoŭ i śpiecpradstaŭnikoŭ
U bryfinhu ŭdzielničali pradstaŭniki Litvy, Irłandyi, Italii, Małdovy, Łatvii, Niderłandaŭ, Izraila, Finlandyi, Estonii, Charvatyi, Vialikabrytanii, Šviecyi, Francyi, Ispanii, Narviehii, Rumynii, ZŠA, Hiermanii, Japonii, Polščy, Čechii, Ukrainy i Paŭnočnaj Rady, paviedamlaje jaje pres-słužba.
Sustreča prajšła ŭ Ofisie Śviatłany Cichanoŭskaj u Vilni. Cichanoŭskaja padkreśliła, što Ofis praciahvaje pracu, a Litva zastajecca adnym z najbližejšych i najvažniejšych partnioraŭ demakratyčnych siłaŭ:
«Ja vielmi radaja, što hety bryfinh ja pravodžu tut, u našym Ofisie ŭ Vilniusie. Ja chaču padkreślić, što, niahledziačy na pašyreńnie našaj dziejnaści ŭ Polščy, Ofis Śviatłany Cichanoŭskaj zastajecca adzinaj i niepadzielnaj ustanovaj. I ja hłyboka ŭdziačnaja Litvie za zachavańnie našaj dypłamatyčnaj akredytacyi».
Asnoŭnyja temy sustrečy: vyzvaleńnie palitviaźniaŭ, lehalizacyja biełarusaŭ za miažoj, praca Ofisa Śviatłany Cichanoŭskaj u Litvie i Polščy, mižnarodny cisk na režym, supraćdziejańnie transnacyjanalnym represijam.
Asobna Cichanoŭskaja padziakavała Polščy za padtrymku i salidarnaść ź biełarusami, ZŠA — za namahańni pa vyzvaleńni palitviaźniaŭ, Šviecyi, Narviehii i Hiermanii — za padtrymku hramadzianskaj supolnaści i niezaležnych miedyja. Taksama jana padziakavała Ispanii za pryznańnie biełaruskich pašpartoŭ sa skončanym terminam dziejańnia, Małdovie — za ŭdzieł u vyzvaleńni źniavolenych, a Litvie — za inicyjatyvu pa pryciahnieńni režymu Łukašenki da adkaznaści praź Mižnarodny kryminalny sud.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary
A ŭ demsił nidzie niama poŭnaha śpisu.
Moładź, u jakoj praviarajuć telefony, u niebiaśpiecy i ŭsim po fih....