U Minsku ŭ hetu subotu pačniecca letni muzyčna-turystyčny siezon
Pra toje, jakuju prahramu padrychtavali arhanizatary sioleta, raskazała načalnik upraŭleńnia kultury Minharvykankama Kaciaryna Łučyna 18 maja, pišuć Minsk-naviny.
Sioleta placoŭkaj dla kulturnych mierapryjemstvaŭ stanie nie tolki terytoryja Vierchniaha horada. Hieahrafija zabaŭ pašyrycca taksama na historyka-kulturny kompleks «Łošycki», Rakaŭski dvoryk i placoŭku kala Pałaca sportu.
Minski fiestyval narodnych ramiostvaŭ adkryje letni muzyčna-turystyčny siezon.
— Na terytoryi Vierchniaha horada možna budzie pasłuchać kłasičnuju muzyku. Akramia taho, my viartajem prajekt «Džazavyja viečary kala ratušy», — paviedamiła Kaciaryna Łučyna. — Taksama tut zapracujuć biblijateka pad adkrytym niebam, łakacyja dla dziaciej i placoŭka-karaokie, dzie achvotnyja zmohuć pazmahacca ŭ vakalnym mastactvie.
U historyka-kulturnym kompleksie «Łošycki» pa piatnicach buduć ładzicca teatralnyja viečary. A pa subotach jon budzie prymać novy haradski prajekt — «Formułu pośpiechu». Svoj talent u im pakažuć studenty staličnych VNU.
Placoŭka kala Pałaca sportu pačnie pracavać 30 maja.
— Padrychtavany jarkija, cikavyja maładziožnyja prahramy, — raskazała načalnik upraŭleńnia kultury Minharvykankama. — Pa piatnicach kala amfiteatra tut buduć prachodzić viačernija kinapakazy. Čakajem tut i amataraŭ intelektualnych i muzyčnych kvizaŭ. Pa subotach kala Pałaca sportu projduć kancerty z udziełam usich radyjostancyj stalicy, u tym liku «Radyjo-Minsk». A ŭ niadzielu heta placoŭka prymie spartyŭnyja mierapryjemstvy.
Taksama Łučyna paviedamiła, što ŭ hetym hodzie vyrašyli adradzić prajekt «Piešachodka». Heta fiestyval vuličnych muzykaŭ i artystaŭ u Minsku, jaki ładzicca ŭ ciopłuju paru hoda. Pakazać svaje talenty moža kožny! Pałažeńnie pra konkurs i paradak padačy zajavak na ŭdzieł raźmieščanyja na sajcie Minharvykankama.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar19
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku44
Kamientary