Biełaruski VUP upieršyniu sioleta pieravysiŭ uzrovień minułaha hoda
Abjom VUP Biełarusi ŭ studzieni-krasaviku 2026 hoda skłaŭ u biahučych cenach 94,5 miljardaŭ rubloŭ, što ŭ supastaŭnych cenach na 0,2 pracenta bolš, čym u toj ža pieryjad 2025 hoda. Pra heta 18 maja paviedamiŭ Biełstat.
U studzieni biełaruskaja ekanomika adstavała ad papiaredniaha hoda na 1,2 pracenta, u studzieni-lutym — taksama na 1,2 pracenta, u studzieni-sakaviku — na 0,4 pracenta.
Ciapier jana ŭpieršyniu ŭ hetym hodzie pieravysiła ŭzrovień 2025 hoda. Uvohule ž VUP Biełarusi, zhodna z paramietrami sacyjalna-ekanamičnaha raźvićcia na 2026 hod, pa vynikach usich 12 miesiacaŭ vyraście na 2,8 pracenta.
U studzieni-krasaviku 2026 hoda ŭ paraŭnańni z tym ža časam 2025 hoda pradukcyi sielskaj haspadarki vyrablena na 2,9 pracenta bolš, pramysłovaści — na 2,5 pracenta mienš.
Inviestycyi ŭ asnoŭny kapitał skaracilisia na 0,6 pracenta. Uvod u ekspłuatacyju žylla źniziŭsia na 26,6 pracenta. Hruzaabarot vyras na 0,2 pracenta, pasažyraabarot — na 8,3 pracenta.
Aptovy tavaraabarot staŭ na 2 pracenty mienšym, tavaraabarot hramadskaha charčavańnia — na 0,6 pracenta. A voś roźničny tavaraabarot pavialičyŭsia — na 6,2 pracenta.
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary