Fieliśjen Kabuha, jakoha abvinavačvali ŭ złačynstvach suprać čałaviečnaści za ŭdzieł u hienacydzie ŭ Ruandzie 1994 hoda, pamior, pražyŭšy bolš za 90 hadoŭ.
Fieliśjen Kabuha — biznesmien, jaki vałodaŭ čajnymi płantacyjami. Jon byŭ suzasnavalnikam «Volnaha radyjo i telebačańnia tysiačy pahorkaŭ», jakoje stała ruparam prapahandy padčas hienacydu ŭ Ruandzie ŭ 1994 hodzie. Padčas jaho, pa roznych acenkach, zahinuli ad 500 tysiač da 1,1 miljona čałaviek.
U stvoranym Kabuham «Radyjo tysiačy pahorkaŭ» pracavali tolki pradstaŭniki naroda chutu. U efirach tłumačyli, jak treba zabivać, raździalać, hvałtavać narod tutsi, a akramia taho, ahučvalisia pajmiennyja śpisy, kaho nieabchodna było zabić, i miescy, dzie chavalisia tutsi. Taksama Kabuhu abvinavačvajuć u tym, što jon uzbroiŭ apałčeńnie chutu, jakoje vysočvała i zabivała tutsi.
Kabuha źbieh z Ruandy ŭ 1994 hodzie i žyŭ pa padroblenych dakumientach spačatku ŭ Afrycy, a paźniej — u Francyi. U 1997 hodzie Mižnarodny trybunał vystaviŭ jamu abvinavačvańni ŭ padbuchtorvańni da hienacydu i złačynstvach suprać čałaviečnaści, ale 26 hadoŭ Kabuhu nie mahli znajści. Zatrymali jaho ŭ 2020 hodzie ŭ pryharadzie Paryža.
Sprava Kabuhi razhladałasia Mižnarodnym trybunałam u Haazie. Adnak sud u 2023 hodzie pryznaŭ, što jon nie moža nieści kryminalnuju adkaznaść z-za ciažkaha stanu zdaroŭja i starečaj demiencyi, tamu praces byŭ faktyčna spynieny.
Paviedamlajecca, što na momant śmierci Fieliśjenu Kabuhu było 93 ci 95 hadoŭ, u zaležnaści ad roznych krynic.
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary
a niechta ŭsio - haaha-haaha...