Minski vahonny ŭčastak Biełaruskaj čyhunki vypuściŭ novuju kalekcyju firmovaha cukru, na ŭpakoŭkach jakoha namalavanyja vakzały roznych haradoŭ Biełarusi: Minska, Bresta, Viciebska, Homiela, Hrodna i Mahilova.
Pieršymi hetuju navinku zmohuć ubačyć pasažyry firmovaha ciahnika №2/1 «Biełaruś», jaki chodzić pa maršrucie Minsk — Maskva. Mienavita hety ciahnik ličycca adnoj ź vizitovak Biełaruskaj čyhunki, tamu tam asabliva kłapociacca pra kamfort i detali servisu.
Aŭtary idei adznačajuć, što vakzały — heta nie prosta transpartnyja abjekty, a važnaja častka historyi i architektury haradoŭ. Tamu novaja kalekcyja cukru pavinna dadavać utulnaści padčas pajezdak i znajomić pasažyraŭ ź simvałami biełaruskaj čyhunki navat za kubkam harbaty.
U najbližejšy čas taki firmovy cukar płanujuć vykarystoŭvać i ŭ inšych ciahnikach Minskaha vahonnaha ŭčastka.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary