Hubiernatar Rastoŭskaj vobłaści Juryj Ślusar paviedamiŭ, što padčas adbićcia ataki na vobłaść nad Tahanroham była źniščana rakieta — jaje abłomki ŭpali na adnu z vulic, niekalki aŭtamabilaŭ zaharelisia.
Paźniej hubiernatar paviedamiŭ, što ŭ vyniku rakietnaj ataki paciarpieli dźvie žančyny — abiedźviuch špitalizavali, adna ź ich znachodzicca ŭ ciažkim stanie.
Inšych padrabiaznaściaŭ Ślusar nie pryvodzić.
U Tahanrohu haryć terytoryja Avijacyjnaha ramontnaha zavoda — ci paškodžany sam zavod, pakul nieviadoma. Raniej jaho ŭžo atakavali naprykancy 2024 hoda.
U toj ža čas hubiernatar Sievastopala Michaił Razvažajeŭ paviedamiŭ, što USU atakavali horad «roznymi pavietranymi srodkami, papiarednie, i rakietami Storm Shadow». Papiarednie, nichto ź ludziej nie paciarpieŭ.
Pavodle słoŭ hubiernatara, rakieta trapiła ŭ budynak Paŭdniovaha ŭpraŭleńnia Centralnaha banka, u vyniku čaho ŭźnik pažar — u susiednich damach vybiła vokny.
Na inšaj vulicy, papiarednie, rakieta trapiła ŭ administracyjny budynak, jaki, pavodle Razvažajeva, daŭno nie vykarystoŭvaŭsia, paviedamlaje «Dožd́».
Ciapier čytajuć
U Kaściukovičach praź biržu pracy šukajuć namieśnika staršyni rajvykankama — apošni kandydat nie prajšoŭ pravierki2
Kamientary