Džył Bajden zajaviła, što padčas debataŭ z Trampam joj padałosia, byccam u jaje muža prosta na scenie zdaryŭsia insult
«Mnie było strašna, bo ja nikoli raniej — i nikoli paśla — nie bačyła Džo takim. Nikoli», — skazała jana.
Džył Bajden zajaviła, što padčas niaŭdałych pieradvybarčych debataŭ z Donaldam Trampam joj padałosia, byccam u jaje muža, prezidenta Džo Bajdena, prosta na scenie zdaryŭsia insult, piša Bi-bi-si.
«Ja nie viedaju, što adbyłosia, — raskazała Džył Bajden u intervju CBS News. — Kali ja hladzieła na jaho, u mianie była dumka: «Boža moj, u jaho insult». Heta napałochała mianie da śmierci».
«Mnie było strašna, tamu što ja nikoli raniej — i nikoli paśla — nie bačyła Džo takim. Nikoli», — skazała jana.
Adnak adzin z suaŭtaraŭ knihi pra prezidenctva Džo Bajdena, karespandent vydańnia Axios Aleks Tompsan, skazaŭ u intervju CNN, što, u adroźnieńnie ad byłoj pieršaj łedzi, usie astatnija — i jaho daradcy, i adnapartyjcy, i ahladalniki — bačyli padobnyja pamutnieńni śviadomaści ŭ Bajdena nie raz.
«Takija momanty stała vielmi składana pradkazvać, i Bieły dom staranna sprabavaŭ niešta z hetym zrabić i nie dapuskać u publičnuju prastoru, ale ŭrešcie padčas debataŭ jany ŭžo nie mahli schavać hetyja momanty ad publiki», — patłumačyŭ Tompsan.
Kniha pra 46‑ha prezidenta ZŠA Džo Bajdena nazyvajecca «Pieršarodny hrech» (Original Sin). Jana napisana ŭ suaŭtarstvie z žurnalistam telekanała CNN Džekam Tepieram i vyjšła ŭ mai 2025 hoda.
Paśla vielmi niaŭdałaha vystupleńnia na debatach suprać kandydata-respublikanca Donalda Trampa Džo Bajden sutyknuŭsia z mocnym ciskam z boku adnapartyjcaŭ, jakija patrabavali, kab jon admoviŭsia ad udziełu ŭ vybarach.
U vyniku Bajden źniaŭ svaju kandydaturu i padtrymaŭ tahačasnuju vice-prezidentku Kamału Charys
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary